Danbaka

musika lehiaketa

Danbaka Goiena Komunikazio Taldeak sortutako Debagoieneko musikari, bakarlari eta taldeei zuzendutako lehiaketa da. Musikariek hiru abesti original aurkeztu behar dute lehiaketan parte hartzeko. Zuzeneko kontzertuen bidez erabakitzen da irabazlea.

Danbaka
Debagoieneko Musika Lehiaketa
The Clayton 2022-23an saria jasotzen
HerrialdeaDebagoiena
5 ekitaldi
OrdainsariaSari Nagusia: disko bat estudioan grabatzea
Publikoaren Saria: bideoklipa.
Egungo saridunaThe Clayton (2022-23)
Webgune ofizialahttps://danbaka.eus
Telebista/Irrati bidezko emankizuna
KateaGoiena Telebista

2004an abiatu zen lehenengoz, bi urtetik behin lehiaketa egiteko asmoa ezarri zen. Beste hiru edizio egin ziren. 2011. urtean laugarren edizioa bukatu eta 12 urteko etenaldia izan zuen lehiaketak. 2022an[1] Bergarako Udalaren laguntzarekin bostgarren edizioa antolatu zen. Finala 2023ko urtarrilaren 13an izan zen.

Edizioak aldatu

2004 aldatu

Debagoieneko Musika Lehiaketa antolatu zuten Goiena multimedia enpresak eta Espaloia Kafe Antzokiak 2004an lehen aldiz. Bertan Debagoieneko pop, rock, punk, hard-core, hip-hop, elektronika, jazz, folk, hau da, estilo askotariko talde edo bakarlariek hartzen dute parte.

Debagoieneko 43 taldek eman zuten izena lehiaketan eta epaimahaiak aukeratutako 20k parte hartu zuten Espaloia antzokiko zuzenekoetan eta epaimahaiko kideek hiru finalista aukeratu zituzten; Potemkin (Oñati), Sharon Stoner (Oñati) eta Muted (Arrasate-Abadiño). Sharon Stoner izan zen garaile.

2006 aldatu

Lehiaketaren II. ediziorako 19 talde sailkatu ziren. Epaimahaiak Aby-Kem (Bergara), Malenkonia (Oñati) eta Belceblues (Bergara) taldeak aukeratu zituen finalerako eta lehenegoek (Aby-Kem) irabazi zuten saria (CD bat grabatzea). Ikusleen saria Drakesek eraman zuen eta bakarlari onenarena Jim TNTek.

2009 aldatu

Lehiaketaren III. edizioan hiru taldek jokatu zuten finala; Adi Holden (Bergara), The Wet Band (Mutriku) eta Norman (Ondarroa). The Wet Band izan zen txapelduna.

2010-11 aldatu

2010 udazkenean abiatu zen lehiaketa eta 2011ko urtarrilean izan zen finala. 19 talde partehartzaileetatik Xarma (Ondarroa), Desprezio eta Lord Witch (Bergara) izan ziren finalean. Irabazlea Xarma taldea izan zen.

2022-23 aldatu

Hamarkada bat lehiaketarik antolatu gabe pasa ondoren Danbaka berri bat antolatzea erabaki zen 2022. urteko udazkenerako. Bosgarren edizio horretan 20 musika proposamenek –bakarlari zein taldek– hartu zuten parte lehiaketan. Kontzertuak, Bergarako Seminarixoa aretoan izan ziren, 2022ko urritik abendura bitartean. 2023ko urtarrilean izan zen finala eta Aiert Alberdi (Oñati), Arragoa (Bergara) eta The Clayton (Aramaio) izan ziren finalean[2]. The Clayton izan zen irabazlea eta publikoaren saria Aiert Alberdi bakarlariak jaso zuen.

Palmaresa aldatu

Edizioa Txapelduna (herria)
2004[3] Sharon Stoner (Oñati)
2006[4] Aby-Kem (Bergara)
2009[5] The Wet Band (Mutriku)
2011[6] Xarma (Ondarroa)
2012-
2021
ez zen lehiaketarik izan
2023[7] The Clayton (Aramaio)

Erreferentziak aldatu

Kanpo estekak aldatu