Convolvulus

Convolvulus
	Irudi gehiago
Sailkapen zientifikoa
Erreinua	Plantae
Ordena	Solanales
Familia	Convolvulaceae
Generoa	Convolvulus; L.

Convolvulus Konbolbulazeo familiaren genero bat da, 200 espezie inguru ditu, banaketa kosmopolita eta klima askotan aurki daiteke.

Genero honen espezien artean urteroko landareak daude gehien bat eta gutxi batzuk bizikorrak. Urterokoak belarkarak izaten dira, igokariak edo herrestariak; apaingarrirako landatzen diren gehienak meheak eta txikiak. Bizikorrak, aldiz, mulu-eitekoak izaten dira.

Guztiek hosto bakunak eta txandakatuak dituzte, espiralean jarriak. Loreak zabalak dira, inbutu-formakoak, gehienetan zuriak edo arrosak, nahiz eta zenbait espezietan urdin, bioleta, gorri edo hori koloreak ere egon.

Convolvuluseko espezie asko belar txartzat hartzen dira, arazo izaten baitira beste landare landatu batzuentzat, hauen gainera igo eta ito egin ditzaketelako. Dena dela, kasu askotan propio landatzen dira euren lore eder eta apaingarriengatik.

Convolvulus espezie asko elikagai suertatzen dira Lepidoptera espezien harrentzat, adibidez, Bucculatrix cantabricellak Convolvulus cantabrica espeziearen hostoak besterik ez ditu jaten; Bedellia annuligerak Convolvulus arvensis; Bedellia somnulentella eta Orthonama obstipata

Convolvulusetako espezieak aldatu

Euskal Herrian hauek katalogatu egin dira^[1]:

Convolvulus althaeoides L.
Convolvulus arvensis L. (ezkerte beltza, ziurda)
Convolvulus cantabrica L.
Convolvulus lineatus L.
Convolvulus tricolor L. (hau apaingarri gisa landatu eta basatuta aurki daiteke)

Beste espezie batzuk:

Erreferentziak aldatu

↑ Eusko Jaurlaritza. (2004). Euskal Herriko Landareak eta inguruetakoak sailkatzeko gako irudidunak. .

Kanpo estekak aldatu

Datuak: Q147507
Multimedia: Convolvulus / Q147507
Espezieak: Convolvulus

[1] Eusko Jaurlaritza. (2004). Euskal Herriko Landareak eta inguruetakoak sailkatzeko gako irudidunak. .

[1]