Convolvulaceae

Convolvulaceae, euskaraz konbolbulazeo, landare loredunen familia bat da, 60 genero eta 1.650 espezie inguru dauzkana. Familia honetako landareak klima tropikal eta epeletan bizi dira eta oso leku ezberdinak kolonizatzen dituzte, hala nola, kostaldeko dunak, padura gaziak, ur gezak hartutako leku zingiratsuak, eremu lehorrak, eta abar.

Convolvulaceae
Irudi gehiago
Sailkapen zientifikoa
Erreinua	Plantae
Ordena	Solanales
Familia	Convolvulaceae Juss.
Azpibanaketa
Ikusi testua

Batata, adibidez, Convolvulaceae bat da.

Deskripzioa

Convolvulaceae landare belarkarak izaten dira gehien bat, horietako asko igokariak eta baten bat bizkarroia; oso gutxi dira zurezkoak. Erraz identifika daitezkeen landareak dira ezkila formako korola duten loreei esker.

Loreak aktinomofikoak izaten ohi dira, erregularrak eta hermafroditak, ligularik gabeak, gehienetan pentameroak eta oso gutxitan tetrameroak. Kalizak 5 sepalo aske ditu eta korolak 5 petalo oinarritik bat eginda. Korola simetriko eta erradiala da, kanpai edo inbutu formakoa eta honen oinarrian txertatuta egoten dira 5 lorezil, gingilekin txandakaturik. Obario gainekoa, bi karpeloz osatua eta karpelo bakoitzean bi sinkarpiko, hau da, obulutegi bakar bat eratzen duten bi karpelo soldatuta. Sinkarpiko hauen barruan 4 obulo daude eta fruitu lehorrak ematen dituzte, haizeak erraz zabaltzen dituen haziak askatzen dituztenak.

Hostoak bakunak eta txandakatuak dira, estipularik gabeak. Zenbait espezieren hostoak eta haien sustraien almidoia elikagai bezala erabiltzen dira (hala nola patata eta ur espinaka). Haziak, berriz, osasun arloan erabiltzen dira libragarri bezala. Zenbait espeziek ergolina alkaloidea dute, psikodelikoetan eta droga psikoaktiboetan osagai aktibo dena.

Landare hauen pujak bilduta agertzen ohi dira, hortik euren latinezko izena (convolveretik, haizetan).

Euskal Herrian lau genero dauzkagu; dichondra (espezie 1), calystegia (3 espezie), convulvulus (4 espezie) eta ipomoea. Azken hau Hego Amerikakoa da jatorriz, baina, egun hegoaldeko Europan naturalizatuta aurkitzen dugu.

Leinuak

D.F. Austin arabera:

• Ericybeae
• Cressea
• Convolvuleae
• Merremioideae
• Ipomoeae
• Argyreiae
• Poraneae
• Dichondreae
• Cuscuteae (batzuetan Cuscutaceae barnean).

Generoak

Aniseia Argyreia Astripomoea Blinkworthia Bonamia Breweria Calycobolus Calystegia Cardiochlamys Cladistigma Convolvulus - Cordisepalum Cressa Cuscuta Decalobanthus Dichondra Dicranostyles Dinetus Dipteropeltis

Ericybe Evolvulus Falckia Hewittia Hildebrandtia Hyalocystis Ipomoea Iseia Itzaea Jacquemontia Lepistemon Lepistemonopsis Lysiostyles Maripa Merremia Metaporana Nephrophyllum Neuropeltis Neuropeltopsis

Odonellia Operculina Paralepistemon Pentacrostigma Pharbitis Polymeria Porana Poranopsis Rapona Rivea Sabaudiella Seddera Stictocardia Stylisma Tetralocularia Tridynamia Turbina Wilsonia Xenostegia

Kanpo loturak

Wikimedia Commonsen badira fitxategi gehiago, gai hau dutenak: Convolvulaceae

• Austin, D. F. (1973) The American Erycibeae (Convolvulaceae): Maripa, Dicranostyles, and Lysiostyles I. Systematics. Ann. Missouri Bot. Gard. 60: 306-412.
• Austin, D. F. 1997. Convolvulaceae (Morning Glory Family)
• Convolvulus plant
• Convolvulaceae in L. Watson and M.J. Dallwitz (1992 onwards). The families of flowering plants.

• Datuak: Q145777
• Multimedia: Convolvulaceae / Q145777
• Espezieak: Convolvulaceae