Club de Mar Mugardos

Club do Mar Mugardos Galiziako A Coruñako probintzian dagoen Mugardos herriko arraun taldea da. 1962an sortu zen eta gaur egun Ipar-mendebaldeko Traineruen Ligan ari da.

Club de Mar Mugardos
Sorrera	1962
Herria	Mugardos, Coruña
Lehendakaria	Guillermo Pereira Coto
Entrenatzailea	Jorge Hermida Ballesteros
Patroia(k)	Hugo Rascado Asier García
Kolorea(k)	zuria eta gorria
Trainerua	Bestarruza
Palmaresa	0 Kontxako Bandera 0 TKE Liga 0 Galiziako A Liga 0 Galiziako B Liga 0 Espainiako Txapelketa 0 Galiziako Txapelketa
2023: Kontxa	ez
2023	2.a (Galiziako B Ligan)
Webgunea	www.clubdomarmugardos.com

Historia

Mugardosko traineru baten lehenengo garaipena 1948ko Generalisimoaren Kopa izan zen. 1962an elkartea sortu zen eta berehala Galiziako batel indartsuena osatu zuen. Espainiako bi txapelketa ere irabazi zituen eta beste bi urtetan podiumean egon zen.

1996an berriz ere trainerua osatu zuen A Cabana, Cedeira eta San Felipeko arraunlariekin batera eta "Cidade de Ferrol" izena erabili zuten. 1999 arte iraun zuen proiektu honek.

Beste hamarkada batez trainerurik atera gabe egon ondoren 2011ean egin zuen debuta Galiziako Ligan. 2014an Galiziako A Ligan hirugarren postua lortu zuen eta aurrenekoz Kontxarako sailkapen estropadan aritu zen. 2015ean bigarren izan zen liga, hiru bandera irabaziz gainera. Igoera play-offa jokatu du baina ez du TKE Ligara igotzerik lortu.

2016an azken unean trainerua ez uretaratzea erabaki zuen eta 2017an B Ligan hasi behar izan zuen arraunean. 2020an Ligan parte hartzeari uko egin zion azken unean. 2021ean itzuli eta bigarren egin zuen B Liga. Ondoren play-offetan A Ligara igo zen.

Aurrez emakumezkoen traineruarekin egin bezala, 2023an A Cabanarekin batera atera dute trainerua.

Palmaresa

Mugardos 2012ko Teresa Herrera Banderan.

Txapelketak

• Espainiako Txapelketa (0): 2013an seigarren.

Ligak

• Galiziako Traineruen Liga (0): bigarrena 2015ean eta hirugarrena 2014an.

Banderak

• Generalisimoaren Kopa (1): 1948.
• Teresa Herrera Bandera (0): bigarrena 2015ean.
• Asturiasko Printzearen Bandera (1): 2014.
• Concello de Cangas Bandera (1): 2021.
• Concello do Grove Bandera (1): 2021.

Batelak

• Espainiako Batel Txapelketa:
  • Txapeldun (2): 1963, 1966
  • Bigarren (2): 1965, 2004
  • Hirugarren (1): 1971

Azken denboraldiak

Urtea	Liga	Espainia
2011	Galiziako Liga, 12.a
2012	Galiziako A maila, 6.a
2013	Galiziako A maila, 5.a	6.a
2014	Galiziako A maila, 3.a
2015	Galiziako A maila, 2.a
2016	ez
2017	Galiziako B maila, 2.a
2018	Galiziako B maila, 7.a
2019	Galiziako B maila, 9.a
2020	ez
2021	Galiziako B maila, 2.a
2022	Galiziako A maila, 12.a
2023	Galiziako B maila, 2.a	(A Cabanarekin)

Emakumezkoen trainerua

Club de Mar Mugardos
Patroia(k)	Sara Bueno Souto
Kolorea(k)	zuria eta gorria
Trainerua	Bestarruza
Palmaresa	0 Kontxako Bandera 0 Euskotren Liga 0 Galiziako Liga 0 Galiziako Txapelketa
2023: Kontxa	ez
2023	2.a (Galiziako Liga)

Mugardosen emakumezkoen trainerua, 2018an.

2018an aurreneko aldiz emakumezkoen trainerua osatu zuen eta Galiziako Ligan aritu zen. Traineru berdearekin ari da. 2022an A Cabanarekin bat eginda atera zuen trainerua eta hirugarren egin zutenez Euskotren Ligara igotzeko play-offak jokatuko ditu.

Banderak

• Bandeira Cidade de Ferrol (1): 2023.

Denboraldiak

Urtea	Liga	Kontxa	Galiziako txap.	Espainiako txap.
2018	Galiziako Liga, 5.a	-	4.a
2019	Galiziako Liga, 5.a	-	6.a
2020	ez
2021	Galiziako Liga, 7.a	-	-
2022	Galiziako Liga, 3.a	-	3.a	3.a
2023	Galiziako Liga, 2.a	-	5.a	3.a

Kanpo estekak

• (Gaztelaniaz) Webgune ofiziala
• (Galizieraz) Liga Galega de Traiñeiras-en webguneko informazioa

• Datuak: Q12386267
• Multimedia: Club de Mar Mugardos / Q12386267