Club de Remo Ares
Club de Remo Ares Aresko arraun kluba da, gaur egun TKE Ligan ari dena. Aulki mugikorrean zein tosta finkoan lehiatzen du. 2021. urtean Kontxako Bandera jokatzeko sailkatu zen aurreneko aldiz.
| Club de Remo Ares | |
|---|---|
| Sorrera | 1958 |
| Herria |  Ares, Coruña
|
| Lehendakaria | Germán Sánchez Vilar
|
| Entrenatzailea | José Manuel «Pendo» Peláez
|
| Patroia(k) | Hugo Rascado Salvador Montenegro
|
| Kolorea(k) | Urdina eta zuria |
| Trainerua | Santa Olalla de Lubre |
| Palmaresa | 0 Kontxako Bandera 0 TKE Liga 4 Galiziako Liga 1 Espainiako Txapelketa 1 Galiziako Txapelketa |
| 2024: Kontxa | ez |
| 2024 | 1.a (Galiziako A Liga) |
| Webgunea | www.remoares.webcindario.com |
Historia
aldatuEstropadak 1933 urtetik aurrera jokatu izan dira Aresen. Francisco López Sánchez (Pancho) izan zen 1958an kluba sortu zuena, Galiziako arraun taldeen artea zaharrena da beraz. 1959an jadanik Galiziako batel txapeldun izatea lortu zuen eta Espainiako Traineru Txapelketan seigarren egin zuen. 60. hamarkadaren hasieran ohikoa bihurtu zen Espainiako batel eta traineru txapelketatan, titulurik lortu ez arren. Urteak aurrera egin ahala aulki mugikorrari ekin zion erabat eta 1965ean Espainiako yola txapeldun izan den.
1983an egoitza berria inauguratu zuen eta hurrengo urtean berriz ekin zion traineruan aritzeari. 1986an Galizia Iparraldeko txapelketan hirugarrena izan zen eta 1988an bigarrena. 1990an Espainiako Traineru Txapelketarako sailkatu zen eta kontsolazio txanda irabazi zuen. 1991ean Vigoko Corte Inglés Banderan bigarren egin zuen Orioren atzetik.
Galiziako Traineruen Ligan urtero aritu izan da. 2012an maila galdu zuen baina hurrengo urtean Galiziako B Liga irabazi eta maila berreskuratu zuen. Urtez urte postuak hobetzen joan ondoren 2016an Galiziako Liga irabaztea lortu du eta play-offetan TKE Ligara igo zen. Babeslerik gabe eta ia traineru guztia harrobiko jendeaz ibili zela kontutan harturik lorpen izugarria izan zen. TKE Ligako lehen denboraldian 11.a izan zen eta play-offetan ezin izan zion mailari eutsi.
2019an bigarren aldiz irabazi zuen Galiziako Liga eta play-offetan TKE Ligara itzuli zen. 2020an maila mantentzea lortu zuen Zarautzekin lehia gogorra izan ondoren. 2021ean lasaiago ibili zen eta 9. postua lortu zuen. Urtea borobiltzeko Kontxako Banderara sailkatu zen estrainekoz. 2022an ordea azken postuan gelditu eta Galiziako Ligan arituko da hurrengo urtean. Azken postuan inoizko puntu gehien edukita jeitsi da, dena dela, 51 puntu.
2023an Galiziako Ligako traineru indartsuena izan zen eta Espainiako Txapelketa irabazi zuen lehenengo aldiz. Igoera play-offetan ez zuen esperotako maila eman eta beste traineru galiziarrak lortu zuen TKE Ligarako igoera, Bueuk.
2024ko denboraldi bikaina osatu zuen Galiziako Liga nagusitasun osoz irabaziz. Kontxako sailkapen estropadan segundo bakarrarengatik ez zuen balentria lortu. Play-offetan TKE Ligara igotzea lortu zuen.
Palmaresa
aldatu- Sailkatua (1): 2021
- Txapelduna (1): 2023.
- Bosgarrena (1): 1990.
- Txapelduna (1): 2024.
- Bigarrena (5): 2018, 2019, 2021, 2022, 2023.
- Bederatzigarrena 2021ean.
- Parte hartzeak (4): 2017, 2020, 2021, 2022
- Galiziako A Liga (4): 2016, 2019, 2023, 2024.
- Galiziako B Liga (1): 2013.
Gainontzeko estropadak
aldatu- El Corte Inglés Bandera (Vigo) (0): bigarrena 1991an, hirugarrena 1995ean.
- Teresa Herrera Bandera (3): 2019, 2023, 2024.
- Coruñako Diputazioaren Bandera (1): 1990.
- Asturiasko Printzearen Bandera (4): 2016, 2018, 2023, 2024.
- Festival Intercéltico de Avilés (1): 2003.
Azken denboraldiak
aldatu| Urtea | Liga | Espainia | Kontxa |
|---|---|---|---|
| 2003 | Galiziako Liga, 9.a | - | - |
| 2004 | Galiziako Liga, 9.a | - | - |
| 2005 | Galiziako Liga, 5.a | 8.a | - |
| 2006 | Galiziako Liga, 7.a | - | - |
| 2007 | Galiziako Liga, 11.a | - | - |
| 2008 | Galiziako Liga, 7.a | - | - |
| 2009 | Galiziako Liga, 8.a | - | - |
| 2010 | Galiziako Liga, 10.a | - | - |
| 2011 | Galiziako Liga, 9.a | - | - |
| 2012 | Galiziako A maila, 8.a | - | - |
| 2013 | Galiziako B maila, 1.a | - | - |
| 2014 | Galiziako A maila, 5.a | - | - |
| 2015 | Galiziako A maila, 3.a | - | - |
| 2016 | Galiziako A maila, 1.a | - | - |
| 2017 | TKE Liga, 11.a | - | - |
| 2018 | Galiziako A maila, 2.a | - | - |
| 2019 | Galiziako A maila, 1.a | - | - |
| 2020 | TKE Liga, 10.a | - | - |
| 2021 | TKE Liga, 9.a | - | 8.a |
| 2022 | TKE Liga, 12.a | - | - |
| 2023 | Galiziako A maila, 1.a | Txapelduna | - |
| 2024 | Galiziako A maila, 1.a | Txapelduna | - |
Kanpo estekak
aldatu- (Galizieraz) Taldearen bloga
- (Galizieraz) Liga Galega de Traiñeiras-en webguneko informazioa
Datuak: Q16516787
Multimedia: Club de Remo Ares / Q16516787
