Ireki menu nagusia

Camden Market Londres iparraldeko Camden udalerrian kokatzen den merkatu ezaguna da. Artisau produktuak, jantziak, artelanak eta janari azkarreko postuak aurkitzen dira. Asteburu bakoitzean 100.000 bisitari inguru izaten ditu.

Camden Market
London - Camden Town by Horst Michael Lechner.jpg
Kokapena
Estatua Erresuma Batua
Herrialdea Ingalaterra
Ingalaterrako eskualdeaLondresko eskualdea
Ingalaterrako konderri zeremonialaLondres Handia
Londresen banaketa administratiboaCamden
Koordenatuak 51° 32′ 29″ N, 0° 08′ 47″ W / 51.541388888889°N,0.14638888888889°W / 51.541388888889; -0.14638888888889Koordenatuak: 51° 32′ 29″ N, 0° 08′ 47″ W / 51.541388888889°N,0.14638888888889°W / 51.541388888889; -0.14638888888889
Historia eta erabilera
Webgune ofiziala
Camden Market Lock-erako sarrera.
Camden High Street.
Camden Market Lock.

MerkatuakAldatu

Camden merkatuaren barnean sei eremu bereizten dira. 2014an Teddy Sagi aberats israeldarra Camden Market erosten hasi zen eta 2015eko martxorako lau eremuren jabe zen.

Camden Market LockAldatu

Regent's Canal ubidearen inguruan kokaturik dago. 1970 hamarkadan erabiltzeari utzi zitzaion eta 1976an bertako biltegiak eta ubideari loturiko gairenako eraikinak merkatu bihurtu ziren. Hasiera batean artisautza nagusitu zen eremuan baina denborak aurrera egin ahala liburudendak, bigarren eskuko jantziak eta bitxidendak ere azaldu dira. 1991 urtean hiru solairutako eraikina altxatu zen. John Dickinson arkitektoak diseinatu zuen.

Stables MarketAldatu

Pickfords ikuiluetan ezarritako merkatua da, trenbidearen azpiko arkuak ere hartu dituena. Ikuilu hauetan ubideko ontziei tiraka aritzen ziren zaldiak gordetzen ziren eta zaldien ospitalea ere bazen. Etxerako apaingarriak, kutsu etnikoa duten itemak, bigarren eskuko produktuak eta XX mendeko zaharkinak aurkitu daitezke bertan.

Camden Lock VillageAldatu

Camden Market Lock-etik hasi eta ekialdeko ubide ertza hartzen du. 2008 urtean suak suntsitu zuen baina guztia berriztu eta 2009ko maiatzean ateak ireki zituen berriz. 2015 urtean itxi egin zen birmoldatu eta Hawley Wharf bihurtzeko.

Camden High StreetAldatu

Camden Town herriko kale nagusia da eta 500 metro eskasetan dibertsitate handiko denda koloretsuak pilatzen dira, aurrealdean saltzen duten itemen inguruko panpin eta apaingarriak dituztenak. Bertan bada Electric Ballroom izeneko diskoteka, 1950 hamarkadatik aurrera ikuskizunak eskeini izan dituena.

Inverness Street MarketAldatu

Duela 100 urte elikagai, barazki eta fruita freskoak saltzen ziren. Gaur egun gainerako merkatuen itxura du izan ere 2012rako elikagaiak saltzen zituzten bi denda baino ez baitziren gelditzen.

Buck Street MarketAldatu

Sarrerako kartelean The Camden Market jartzen du. Jantzien merkatua da.

IruditegiaAldatu

Informazio praktikoaAldatu

  • Metro geltokia:   Camden Town

Kanpo estekakAldatu