Ireki menu nagusia
1892ko Kalkuta Kopa, Edinburghen jokatua.

Calcutta Cup (euskaraz Kalkuta Kopa) urtero Sei Nazioen Torneoan Eskozia eta Ingalaterraren arteko irabazleari ematen zaion saria da.

Kopa bera Indian landutakoa da, apainduran kobra eta elefanteen irudiak dituelarik.

HistoriaAldatu

1872ko eguberri egunean Kalkutan (India) errugbi partida bat jokatu zen, alde batean Ingalaterrako 20 jokalari eta bestean Eskozia, Irlanda eta Galesko 20 jokalariren arteko selekzioa. Partida arrakasta handikoa izan zen eta astebete beranduago partida berria antolatu zuten.

Ekitaldi hauek animatuta hainbat gaztek Calcutta Football Club sortu zuten eta Errugbi federazioan sartu zen 1874an. Indiako klima ordea ez zen egokia errugbian aritzeko eta beste kirol batzuek gain hartu zioten, kriketak bereziki. Honen ondorioz taldea desegin egin zen, baina aurretik taldeak banketxean zeukan dirua zilarrezko errupia txanponetan atera zuten, eta txanponak urtuz Kopa ederra egin zuten. Errugbi federazioari eman zioten 1878an Kalkuta Kopa izena mantenduz urteroko txapelketa bat antolatzeko konpromisoaz.

1879an izan zen lehen ekitaldia eta ordutik Eskoziak eta Ingalaterrak lehiatzen dute beren artean.

EmaitzakAldatu

 
Garaikurra.
Selekzioa Garaipenak Ehunekoa Urteak
  Ingalaterra 69 %57.5 1883, 1884, 1890, 1892, 1897, 1902, 1906, 1910, 1911, 1913, 1914, 1920, 1921, 1922, 1923, 1924, 1928, 1932, 1934, 1936, 1937, 1939, 1947, 1949, 1951, 1952, 1953, 1954, 1955, 1956, 1057, 1960, 1961, 1963, 1967, 1968, 1969, 1973, 1975, 1977, 1978, 1980, 1981, 1985, 1987, 1988, 1991, 1992, 1993, 1994, 1995, 1996, 1997, 1998, 1999, 2001, 2002, 2003, 2004, 2005, 2007, 2009, 2011, 2012, 2013, 2014, 2015, 2016, 2017
  Eskozia 39 %32.5 1891, 1893, 1894, 1895, 1896, 1899, 1901, 1903, 1904, 1905, 1907, 1908, 1909, 1912, 1925, 1926, 1927, 1929, 1931, 1933, 1935, 1938, 1948, 1950, 1964, 1966, 1970, 1971, 1972, 1974, 1976, 1983, 1984, 1986, 1990, 2000, 2006, 2008, 2018
Berdinketa 13 %10 1886, 1887, 1900, 1930, 1958, 1959, 1962, 1965, 1979, 1982, 1989, 2010, 2019
Wikimedia Commonsen badira fitxategi gehiago, gai hau dutenak: Calcutta Cup