Centro de Investigación Médica Aplicada
Centro de Investigación Médica Aplicada (CIMA) Nafarroa Garaiko ikerketa erakunde bat da, Centros Tecnológicos de Navarra entitatearen parte. 2004ko irailean inauguratu zuten, Iruñean dauka egoitza eta hiriburu horretako campus unibertsitarioan lau solairuko eraikin "inteligente" baten jabe da. CIMAk, kokalekuz, triangelu bat egiten du Clinica Universitaria de Navarrarekin eta Nafarroako Unibertsitateko Medikuntzako Fakultatearekin[1].
| Centro de Investigación Médica Aplicada | |
|---|---|
 | |
| Datuak | |
| Mota | ikerkuntzarako institutua eta erakundea |
| Herrialdea | Espainia |
| Jarduera | |
| Honen parte | Nafarroako Unibertsitatea |
| Agintea | |
| Zuzendaria | Pilar Civeira (en)  |
| Historia | |
| Sorrera | 2004 |
| webgune ofiziala | |
Jaiotzatiko bokazioa du medikuntzako, zientzietako eta farmaziako fakultateetako eta Centro de Investigación en Farmacológica eta Clínica Universitaria erakundeetako giza ahaleginak eta baliabideak batzea. Abangoardiako ikerketarako eraikin horretan, mundu osoko 16 herrialdetako 300 bat zientzialari ari dira lanean eta helburu hauxe dute: eritasun hilgarrienak sendabidean jartzea; besteak beste, minbizia, alzheimerra, parkinsona eta hepatitisa. CIMAk zortzi laborategi dauzka solairuko eta arlo hauek lantzen ditu: onkologia, neurozientziak, fisiopatologia kardiobaskularra eta terapia genikoa eta hepatologikoa[1].
Erreferentziak aldatu
- ↑ a b Udalaitz, Daniel. (2006ko martxoaren 19a). «Zer da: CIMA» Argia CC-BY-SA lizentzia.
Kanpo estekak aldatu
Datuak: Q5761890
Multimedia: Centro de Investigación Médica Aplicada (CIMA) / Q5761890
