Butroe (ibaia)

Butroe
Butroe
Datu orokorrak
Mota	ibai
Luzera	24,5 km
Geografia
Koordenatuak	43°24′42″N 2°56′59″W / 43.41178°N 2.94983°W
Herrialdea	Euskal Herria
Probintzia	Bizkaia
Hidrografia
Arroaren azalera	175 km²
Bokalea; ()	Bizkaiko golkoa

Butroe^[1] ibaia Morga (Bizkaia) udalerrian jaiotzen da, Bizkargi mendiaren magalean. Plentzia herrian itsasoratzen da, meandro zabalak eratu ondoren eta azken zati horri Plentziako itsasadarra ere esaten zaio. Bertan dago Txipio izeneko padura, errepideak bitan banatzen duena.^[2]

Bizkaiko golkora iritsi arte 24,5 kilometroko ibilbidea egiten du. Arroak 175 km² karratu ditu, eta batez besteko ur emaria 3 m³/segundokoa da.

Herri hauetatik pasatzen da: Errigoiti, Arrieta, Fruiz, Gamiz-Fika, Mungia, Gatika, Jatabe, Urduliz, Plentzia eta Barrika.

Butroeko gaztelua ibaitik gertu dago ibaiaren azken zatian itsasadarra baino lehenago.

Hainbat errota mugitzen ditu Butroe ibaiak, besteak beste hauek: Arrietako Olatxu, Gamiz-Fikako Errotabarri, Mungiako Erdisubi eta Olabarri, Meñakako Mendieta eta Errotabarri.^[3]