Bridgetown
- Beste esanahi batzuen berri izateko, ikus: «Bridgetown (argipena)»
Bridgetown Barbadosko hiriburu eta hiri nagusia da. Hiria Saint Michael parish[1] edo parrokiaren barruan dago; horrek 94.860 biztanle zituen 2008an. Antilla Txikietako gune turistiko garrantzitsua da eta urtero milaka turistak bisitatzen dute hiria.
| Bridgetown Bridgetown | ||
|---|---|---|
| hiriburua | ||
 | ||
| ||
| Administrazioa | ||
| Herrialdea |  Barbados | |
| Estatua | BRB | |
| Parish (parrokia) | Saint Michael | |
| Izen ofiziala | City of Bridgetown | |
| Jatorrizko izena | Bridgetown | |
| Geografia | ||
| Koordenatuak | 13°05′51″N 59°37′00″W / 13.0975°N 59.6167°W | |
 | ||
 | ||
| Azalera | 38,8 km² | |
| Altuera | 1 | |
| Demografia | ||
| Biztanleria | 110.000 (2014) 11.275 (2006) | |
| Dentsitatea | 2.831,42 bizt/km² | |
| Informazio gehigarria | ||
| Sorrera | 1628 | |
| Hiri senidetuak | Wilmington (Ipar Carolina), Bridgetown (en)  eta Hackney | |
| barbados.org… | ||
Hiriaren egungo kokapena ingelesek ezarri zuten 1628an. Karibeko hiri oso garrantzisua izan zen eta egun izaten jarraitzen du, finantza, informatika eta bilera gune gisa. Greater Bridgetown edo Bridgetown Handia deitzen den eremua Christ Church eta Saint James parrokietan ere sartzen da.
Historia aldatu
Hiria eraiki zen lekuan europarren aurreko herritarren Barbadosko aztarna gutxienetakoa zegoen: Careenage aldean kokatutako zubia hain zuzen. Hori dela eta aldeari eman zitzaion lehen izena Indian Bridge izan zen. 1654an zubi berri bat egin zenean The Town of Saint Michael izena ipini zioten, behin betiko Bridgetown jaso arte.
Hiri hau da Ipar Amerika kontinentaletik kanpoko bakarra George Washingtonek bisitatu zuena. George Washington House orain eremu historikoaren barruan dago.
1824an Barbados elizbarruti anglikano baten[2] egoitza bihurtu zen. Hori dela medio Saint Michael parrokiako eliza katedral bilakatu zen eta horren ondorioz "hiri" (ingelesez City) titulua eman zitzaion. Hala ere, 1958 arte ez zen hiriarentzako berezko administraziorik egon.
2021ean Barbadosek Ingalaterrako koroa baztertu zuen, eta errepublika aldarrikatu. Sandra Mason presidente izendatu zuten, Bridgetown hiriburuan eginiko ekitaldi arranditsu batean.[3]
Geografia aldatu
Hiriak eta zabalagoa den Bridgetown Handiak Saint Michael parrokia ia osoa okupatzen dute, 39 km² gutxi gorabehera. Aurretik inguruan aintzirak zeuden baina lehortu eta lurrez bete zituzten.
Hiriaren bihotzean Constitution ibaia itsasoratzen da; bere bokaleak Careenage du izena eta honek bi zaititan banatzen du Bridgetown. Carlisle badian isurtzen ditu bere urak.
Kale nagusiak aldatu
Kalerik inportanteena Broad Street da, zuzen erdialdera doana. Parlamentuko eraikinetatik pasatzen da eta merkataritza-gune garrantzitsuena da.
Geroago 7 Autobidea bihurtzen den Bay Street ere aipatzekoa da; Barbadosko hegoaldeko kostalde eta Christ Church parrokiarantz abiatzeko balio du. Beste kale batzuk:
- Swan Street: Broad Streeten paraleloa, iparralderantz.
- Roebuck Street: iparraldera Queens Parkera doa, Swan Streetetik ekialdera.
- Tudor Street; iparraldetik dator, Swan Streetekin gurutzatu eta Broad Streetekiko perpendikularra da.
Klima aldatu
 Datu klimatikoak (Bridgetown) 
| |||||||||||||
|---|---|---|---|---|---|---|---|---|---|---|---|---|---|
| Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
| Erregistraturiko tenperatura maximoa (°C) | 31 | 31 | 32 | 32 | 33 | 32 | 32 | 35 | 33 | 33 | 32 | 31 | 35 |
| Batez besteko tenperatura maximoa (°C) | 28 | 28 | 29 | 30 | 31 | 31 | 30 | 31 | 31 | 30 | 29 | 28 | 29.7 |
| Batez besteko tenperatura minimoa (°C) | 21 | 21 | 21 | 22 | 23 | 23 | 23 | 23 | 23 | 23 | 23 | 22 | 22.3 |
| Erregistraturiko tenperatura minimoa (°C) | 16 | 16 | 17 | 18 | 19 | 19 | 20 | 21 | 19 | 19 | 19 | 19 | 16 |
| Pilatutako prezipitazioa (mm) | 66 | 28 | 33 | 36 | 58 | 112 | 147 | 147 | 170 | 178 | 206 | 97 | 1278 |
| Iturria: BBC Weather[4] | |||||||||||||
Banaketa administratiboa aldatu
- Belleville
- Cat's Castle
- Cheapside
- Fontabelle
- Garden Land
- New Orleans
- Pinelands
- Strathclyde
- Weymouth
- Whitepark
Leku interesgarriak aldatu
- Heroi Nazionalen Plaza (lehen Trafalgar Plaza) eta Fountain Garden ("Iturriaren Lorategia").
- Independentzia Plaza eta Independence Arch ("arkua").
- Montefiore iturria.
- Barbadosko Parlamentuko eraikinak.
- Saint Michaels and All Angels katedral anglikanoa.
- St. Mary's eliz anglikanoa.
- St. Patrick's katedral katolikoa.
- Sinagoga.
- Pelican Village eta Artisautza-gunea.
- Queen's Park
- Nelsonen estatua.
- Barbadosko Museoa.
- Kensington Oval, 2007 cricket[5] Munduko Kopako finalaren egoitza.
- Carlisle Bay hondartza.
- Cheapside azoka.
- Tom Adams Finantza-gunea.
- Garrison ("guarnizioa") Eremu Historikoa.
- Hilton Hotela.
- Martineau Etxea.
Herri eta hiri senidetuak aldatu
Bridgetown ondorengo herri eta hiriekin senidetuta dago:
Ikus, gainera aldatu
Erreferentziak aldatu
- ↑ Barbadosko banaketa administratibo nagusia.
- ↑ Barbados, Trinidad, Tobago, Grenada, Saint Vincent eta Santa Luzia hartu zituen elizbarrutiak.
- ↑ Lartzanguren, Edu. «Barbadosek Ingalaterrako koroa baztertu du, eta errepublika aldarrikatu du» Berria (Noiz kontsultatua: 2022-03-14).
- ↑ Average Conditions Bridgetown, Barbados. BBC Weather (Noiz kontsultatua: 8 April 2012).
- ↑ Barbadosko kirol nazionala.
- ↑ (Ingelesez) Sister Cities International. (Noiz kontsultatua: 2018-08-02).
Kanpo estekak aldatu
- (Ingelesez) Bridgetowngo historia Barbadosko Posta zerbitzuaren webgunean.
- (Ingelesez) Bridgetowngo mapa-marrazkia.
- (Ingelesez) Hiriko erdialdea airetik.
- (Ingelesez) Hiriko planoa Caribbean-on-line.comen.
- (Ingelesez) Bridgetown UNESCOren Gizateriaren Ondareari buruzko webgunean.
Datuak: Q36168
Multimedia: Bridgetown / Q36168
Kartografia aldatu
- Bridgetown & Environs, Barbadosko gobernua, 1975; 1:5.000 eskalakoa.