Brian De Palma

Brian Russell De Palma (Newark, 1940ko irailaren 11), AEBko zinema-zuzendari eta gidoigilea da.

Brian De Palma
Irudi gehiago
Bizitza
Jaiotza	Newark, 1940ko irailaren 11 (83 urte)
Herrialdea	Ameriketako Estatu Batuak
Bizilekua	Manhattan
Talde etnikoa	Ameriketako Estatu Batuak
Familia
Aita	Anthony F. DePalma
Ezkontidea(k)	Nancy Allen  (1979 -  1983) Gale Anne Hurd  (1991 -  1993) Darnell Gregorio-De Palma  (1995eko urriaren 11 -  1997ko apirilaren 18a)
Bikotekidea(k)	ikusi Margot Kidder Elli Medeiros (en)
Seme-alabak	ikusi Willa Holland Cameron De Palma Piper De Palma Lolita de Palma (en)
Hezkuntza
Heziketa	Columbia Unibertsitatea Sarah Lawrence College (en) Friends' Central School (en)
Hizkuntzak	ingelesa
Jarduerak
Jarduerak	film-zuzendaria, gidoilaria, zinema ekoizlea, film-muntatzailea, errealizadorea eta producer (en)
Altuera	180 zentimetro
Kidetza	Writers Guild of America, East (en)
Genero artistikoa	thrillerra beldurrezko zinema gangster filma film dramatikoa krimenezko filma

Berrogei urteko ibilbide luzea du zinemagintzan, eta egin dituen suspense- eta thriller-filmengatik da ezaguna, besteak beste, Carrie, Dressed to Kill, The Bonfire Of The Vanities, Scarface, The Untouchables eta Mission: Impossible filmengatik.

Fisikako lizentzian ikasle zela piztu zitzaion zinemagintza-zaletasuna; Alfred Hitchcock, Roman Polanski eta Jean-Luc Godarden lanek markatu zuten, batez ere. 1962tik 1964ra, arte dramatikoko ikasketak egin zituen New Yorkeko Sarah Lawrence Collegen, eta film labur batzuk zuzendu zituen.

1973an izan zuen lehenbizikoz arrakasta, Sisters thrillerrari esker; film horretan, lehenbizikoz erabili zuen estilo voyeurista, gero bere estiloa definituko zuen ezaugarrietako bat. Hala ere, Gaston Lerouxen Le Fantôme de l'Opéraren egokitzapen batekin, Phantom of the Paradise filmarekin, bihurtu zen ospetsu.

Gero, bi film fantastiko egin zituen: Carrie (1976), Stephen Kingen lan baten egokitzapena, eta The Fury. Orduz geroztik, thriller psikologikoen aldera bideratu zuen ibilbide profesionala. Arlo horretan, sexualitatearen eta indarkeriaren nahasketa izan ditu bereizgarri (Dressed to Kill, Obsession, Pulsions, Blow Out, Body Double).

Ondoren, film beltz batzuk egin zituen: 1980ko hamarkadan, Scarface, Mafia Salad eta The Untouchables, eta, aurrerago, Carlito's Way, Snake Eyes eta The Black Dahlia.

The Untouchables (1986) filmari dagokionez, aipagarriak dira aktoreak: Kevin Costner eta Andy García hasiberriak, Robert De Niro —Al Capone bikain antzeztuz— eta Sean Connery —zeinak Taldeko Aktore Onenaren 1987ko Oscar saria irabazi baitzuen lan honekin—.

2000n Mission to Mars zuzendu eta gero, Frantziara joan zen bizitzera. Hango ekoizle batzuekin, Femme Fatale filmatu zuen 2002an. Urte batzuk geroago, Art Linson ekoizlearekin berriz topo egin, eta AEBra bueltatu zen. Orduan, 2006an, zuzendu zuen The Black Dahlia, baina emaitza eskasak lortu zituen.

Filmografia

• 2019 : Domino
• 2012: Passion
• 2012: The Untouchables: Capone Rising
• 2007: Redacted
• 2006: The Black Dahlia
• 2002: Femme Fatale
• 2000: Mission to Mars
• 1998: Snake eyes
• 1996: Mission: Impossible
• 1993: Carlito's Way
• 1992: Rasing Caín
• 1990: The Bonfire of the Vanities
• 1989: Casualties of War
• 1987: The Untouchables
• 1986: Wise guys
• 1984: Body Double
• 1983: Scarface
• 1981: Blow out
• 1980: Dressed to Kill
• 1980: Home Movies
• 1978: The Fury
• 1976: Carrie
• 1976: Obsession
• 1974: Phantom of the Paradise
• 1973: Sisters
• 1972: Get to know yor rabbit
• 1970: Hi, Mom!
• 1970: Dionysus
• 1969: The wedding party
• 1968: Greetings
• 1968: Murder a la mod

Wikimedia Commonsen badira fitxategi gehiago, gai hau dutenak: Brian De Palma

• Datuak: Q189526
• Multimedia: Brian De Palma / Q189526