Bizkarrezur-muin

Bizkarrezur-muina ornodunek bizkarrezurraren barnean duten nerbio-kordoia da, entzefaloaren luzapentzat jo daitekeena. Entzefaloarekin batera nerbio-sistema zentrala osatzen du. Buru-hezur zulogune okzipitalean hasi eta lehenengo orno lunbarreraino iristen da (45 cm inguruko luzera du).

Bizkarrezur-muin
Spinal Cord Sectional Anatomy.png
Xehetasunak
Honen parte Nerbio-sistema zentrala
Bizkarrezurra
Konponenteak cervical cord (en) Itzuli
thoracic cord (en) Itzuli
lumbar cord (en) Itzuli
sacral cord (en) Itzuli
coccygeal cord (en) Itzuli
Artikulazioa garuna
Identifikadoreak
Latinez medulla spinalis
MeSH A08.186.854
TA A14.1.02.001
FMA 7647
Terminologia anatomikoa

Entzefaloaren hezur-egitura babeslea garezurra da; bizkarrezur-muinarena, aldiz, bizkarrezurra.

Bere zeregin nagusia nerbio-seinaleen garraioan datza, harremanetan jartzen baitu gorputza eta entzefaloa. Izan ere, nerbio-seinale eragileak (entzefalotik gorputz enborrera eta adarretara doazenak) eta zentzumenezkoak (kontrako norabidean doazenak) garraiatzen ditu. Bizkarrezur-muinetik 31 nerbio espinal abiatzen dira, aipatutako seinaleak eramaten dituztenak.

Entzefaloan gertatzen denaren aldean, bizkarrezur-muinean kontrakoa gertatzen da: gai zuria kanpoaldean dago, eta gai grisa barnealdean. Gogoratu gai grisa neuronen gorputzez (soma izenekoez) osatuta dagoela, eta gai zuria neurona horien axoiez (mielinaz bilduta daudenak). Muinaren zehar-ebakia eginez gero gai grisa barneko zatian ikusten da, eta H itxura du. H horren erdian hodi fin bat dago, ependimo-hodia, muinaren erdialdea garuneko bentrikuluekin harremanetan jartzen duena. Likido zefalorrakideoz beterik dago.

Kanpo estekakAldatu