Berlingo Egiptoar Museoa

Berlingo Egiptoko Museoa (alemanez: Ägyptisches Museum und Papyrussammlung) munduko Antzinako Egiptoko objektuen bilduma garrantzitsuenetako erakusten du, tartean Nefertitiren bustoa, pieza benetan enblematikoa. 1828an sortua, 1855. urteaz geroztik, bilduma Berlingo Museoen Uharteko Neues museoko partea da. 2009an, berritu ondoren, publikoari ireki zen berriro ere.

Berlingo Egiptoar Museoa
Ägyptisches Museum Berlin
Staatliche Museen zu Berlin Neues Museum
Irudi gehiago
Kokapena
Estatu burujabe	Alemania
Seat of government	Berlin
Borough of Berlin	Berlin-Mitte
Koordenatuak	52°31′13″N 13°23′52″E
Historia eta erabilera
Irekiera	1828
Zuzendaria	Friederike Seyfried Dietrich Wildung Karl-Heinz Priese Jürgen Settgast (en) Werner Kaiser (en) Wolfgang Müller Adolf Greifenhagen (en) Siegfried Morenz Rudolf Anthes Günther Roeder Rudolf Anthes Heinrich Schäfer (en) Adolf Erman Karl Richard Lepsius (en) Giuseppe Passalacqua
Webgune ofiziala

Bilduma

Oso bilduma zabala da: K.a. 4000. urtetik (aro predinastikoa) erromatarren agintaldira arteko objektuak biltzen baititu. Dena dela, gehienak Akenatonen garaikoak dira (K. a. 1340 inguruan). Erakusgai dagoen piezarik ospetsuena Nefertiti erreginaren bikain kontserbatutako eta kolore biziko bustoa da. Bilduma 2005ean Charlottenburgetik Altes Museumera aldatu zen eta Berlingo Museoen Uhartean berreraiki berri zuten Neues Museum-en kokatu zen 2009ko urrian.

Historia

Museoa XVIII. mendean sortu zen Prusiako Hohenzollern errege-erreginen arte bildumatik. Alexander von Humboldtek Egiptoko atal bat sortzea gomendatu zuen eta lehen objektuak 1828an, Frederiko-Gilen III.a Prusiakoaren agindupean, Berlinera ekarri zituzten. Hasieran Monbijou jauregian kokatuta zen, Giuseppe Passalacqua (1797-1865) merkatari triestearrak zuzentzen zuen saila; haren bilduma zabalak beste honen oinarria izan ziren. Karl Richard Lepsius buru zuen Prusiako espedizioak, bestetik, Egipton eta Nubian, 1842–1845 bitartean, pieza osagarriak eraman zituen Berlinera.

1850ean, bildumak Neues museoko gaur egungo etxera aldatu ziren, Friedrich August Stülerrek diseinatutako planoen arabera eraikita. Ludwig Borchardtek Amarnan egindako indusketetan aurkitutako Nefertiti bustoa Henri James Simon enpresariak 1920an eman zion museoari; museoaren arte-lan ezagunena bihurtu zen laster. Bigarren Mundu Gerran Neues museoa bonbardaketek kaltetu zuten. Ondoren, Alemaniaren zatiketarekin, bilduma ere bi aldetan banatu zen. Berlin ekialdearen eta mendebaldekoaren artean banatu ziren. Bildumaren zati nagusia Ekialdeko Berlinen geratu zen eta Bode museoan erakutsi zen. Mendebaldeko Alemaniara ebakuatutako objektuak, Nefertitiren bustoa barne, Mendebaldeko Berlinera eraman ziren. 1967tik 2005era, artikulu horiek Charlottenburg jauregiaren aurrean kokatu ziren. Bilduma osoa, Alemania berriro elkartu ondoren, bildu zen eta Museo Uhartera eraman zuten.

Iruditegia

• 
  Nefertitiren bustoa, K.a. 1338 urtekoa.
• 
  Nefertiti zutik.
• 
  Amarna printsesaren burua.
• 
  Akenatonen erretratua erliebez.
• 
  "Berlingo Buru Berdea", K.a. 500 urte ingurukoa.

Kanpo estekak

• (Alemanez): Staatliche Museen zu Berlin: Egyptian Museum and Papyrus Collection
• (Alemanez): Neues Museum Berlin

• Datuak: Q254156
• Multimedia: Ägyptisches Museum Berlin / Q254156
• Espezieak: ÄM