Ireki menu nagusia

Berliner Zeitung (BLZ) Alemaniako egunkaria da. Egoitza Berlinen du. 1945ean sortu zen, Ekialdeko Alemanian. Behin harresia eta Alemaniako Errepublika Demokratikoa erorita, egunkaria kaleratzen jarraitu da. Argitaratzailea Berliner Verlag da eta egoitza Haus des Berliner Verlagesen eraikinan dago. Ideologikoki zentro-ezkerrean kokatzen da.

Berliner Zeitung
LogoBerlinerZeitung.svg
Berliner Zeitung Alexanderplatz Berlin.jpg
Mota informazio orokorra
Fitxa teknikoa
Lehen zenbakia 1945eko maiatzaren 21a
Hizkuntza alemana
Argitaratze lekua Berlin
Argitaletxea Berliner Verlag GmbH
Banaketa
Banatze-eremua  Alemania
Maiztasuna egunero astelehentik larunbatera
(igande eta jai egunak ez ezik)
Historia
Ideologia Zentro-ezkerra
Zuzendaria Brigitte Fehrle
Identifikadoreak
ISSN 0947-174X
Kanpo loturak
Twitter @berlinerzeitung
berliner-zeitung.de

HistoriaAldatu

Berliner Zeitung lehenengo aldiz 1945eko maiatzaren 21ean plazaratu zen, Sobietarrek okupatutako Berlin aldean.[1] Lehen erredakzio burua Alexander Kirsanow izan zen, koronel sobietarra. Baina hilabete gutxi batzuk izan ziren, berehala Rudolf Herrnstadt alemanaren eskuetan gelditu baitzen. 1949an Alemaniako Errepublika Demokratikoa aldarrikatu zen eta orduan egunkaria Alemaniako Alderdi Sozialista Batuaren eskuetara pasa zen.

1989an, Berlingo harresiaren erorketarekin, Gruner + Jahrrek eta Robert Maxwell argitaletxeak Berliner Zeitung eta Berliner Kurier erosi zituen. Azkenean, Gruner + Jahr jabe bakarra gisa gelditu zen eta 1997an egunkaria erabat berritu zuten. Helburu aitortua Alemaniako Washington Post antzekoa izatea zen. Gaur egun Alemaniako bi aldeetako kazetariak biltzen ditu eta egunkaria berritzailea izaten saiatzen ari da.[2] Izan duen arrakastaren ondorioz, egun, estatu mailan nabarmentasuna izatea lortu duen Ekialdeko Alemaniako egunkari bakarra da. 2003an Berliner Zeitung Berlingo harpidetza gehien zuen egunkaria izan zen; asteroko edizioaren 207.800 ale saltzen ziren, 468.000 irakuleekin.

ZuzendariakAldatu

 
Berliner Zeitung egunkariak Ekialdeko Berlinen garrantzi handia izan zuen.
1945eko maiatza–ekaina Alexander Kirsanow
1945–1949 Rudolf Herrnstadt
1949ko maiatza-uztaila Gerhard Kegel
1949ko uztaila-iraila Georg Stibi
1949–1955 Günther Kertzscher
1955–1957 Erich Henschke
1957–1961 Theo Grandy
1961–1965 Joachim Herrmann
1965–1972 Rolf Lehnert
1972–1989 Dieter Kerschek
1989–1996 Hans Eggert
1996–1998 Michael Maier
1999–2001 Martin E. Süskind
2002–2006 Uwe Vorkötter
2006–2009 Josef Depenbrock
2009–2012 Uwe Vorkötter
2012-Gaur egun Brigitte Fehrle

ErreferentziakAldatu

Kanpo estekakAldatu