Xabier Silveira

Nafar bertsolaria

Xabier Silveira Etxeberria (Lesaka, Nafarroa, 1976ko azaroaren 1a) nafar bertsolaria da. Nafarroako Bertsolari Txapelketa zazpi aldiz irabazi du, beste inork baino gehiagotan.

Xabier Silveira

Xabier Silveira, berdez, Santutxuko jaietan
Bizitza
JaiotzaLesaka1976ko azaroaren 1a (47 urte)
Herrialdea Nafarroa Garaia, Euskal Herria
Hezkuntza
Hizkuntzakeuskara
gaztelania
Jarduerak
Jarduerakbertsolaria eta idazlea
Genero artistikoaolerkigintza

Ibilbidea aldatu

 
Xabier Silveira 1992an.

1997, 2004, 2005, 2006, 2007, 2009 eta 2013ko Nafarroako txapelketak irabazi zituen. 2008 eta 2010eko txapelketan ez zuen parte hartu, eta 2011koan bigarren bukatu zuen, Julio Sotok baino 5 puntu gutxiago lorturik. Euskal Herriko Eskolarteko Txapelketa irabazi zuen 1994an Maialen Lujanbioren aurretik.

Estiloa aldatu

Estilo probokatzailea dauka: inoiz, epaimahaikoen aurka bertsoak bota ere egin ditu esaterako, eta hainbatetan ez dio kasurik egin gai jartzaileak jarritako hizpideari. Jarrera horretan eta gainerako bertsolariekin nahiz ikus-entzuleekin noizbehinka duen jokabidean errespetu falta ikusten duenik bada.[1][2][3] 2009ko Bertsolari Txapelketa Nagusian, Silveirak kartzelako gaian hiru poto egin zituen, eta bildutako puntu kopurua nabarmen jaitsi zion horrek (bigarren izatetik, bosgarren izatera igaro zen). Haserre, oholtzatik jauzi egin zuen Silveirak.[4] Silveirak barkamena eskatu zien bertsokideei, entzuleei, epaileei, antolatzaileei «eta denei».[5]

Gara egunkariaren iritzi orrialdeetan «Jo puntua» izeneko zutabea idazten du astero, batzuetan euskaraz, bestetan gaztelaniaz, beti probokatzaile.

Lorpenak aldatu

Zaharrak Berri Xou aldatu

Zaharrak Berri Xou bertso saio berezietan hartu zuen parte Fredi Paia eta Jokin Urangarekin batera.

Eleberriak aldatu

2007an, A las ocho en el Bule eleberria argitaratu zuen Txalaparta argitaletxearekin eta 2011n horren jarraipena den A las nueve en el Faisán. Bi liburu hauek gaztelaniaz idatzi izanak polemika sortu zuen euskaltzaleen artean.[6][7][8][9]

Erreferentziak aldatu

Kanpo estekak aldatu