William Ramsay

Sir William Ramsay (Glasgow, 1852ko urriaren 2a - High Wycombe, 1916ko uztailaren 23a), gas nobleak aurkitu zituen kimikari eskoziarra izan zen.

William Ramsay
Irudi gehiago
Bizitza
Jaiotza	Glasgow, 1852ko urriaren 2a
Herrialdea	Britainia Handia eta Irlandako Erresuma Batua
Heriotza	High Wycombe (en) , 1916ko uztailaren 23a (63 urte)
Heriotza modua	berezko heriotza: minbizia
Familia
Ezkontidea(k)	Margaret Johnstone Marshall (en)
Hezkuntza
Heziketa	Tübingengo Unibertsitatea doctor rerum naturalium (en) The Glasgow Academy (en) Glasgowko Unibertsitatea (1868 - 1871) Tübingengo Unibertsitatea (1871 - 1872)
Tesi zuzendaria	Wilhelm Rudolph Fittig (en)
Doktorego ikaslea(k)	Morris Travers
Hizkuntzak	ingelesa
Jarduerak
Jarduerak	kimikaria, katedraduna, historialaria eta arkeologoa
Enplegatzailea(k)	Londresko University College Bristolgo Unibertsitatea University of Strathclyde (en) Glasgowko Unibertsitatea
Jasotako sariak	ikusi Arteetan eta Zientziatan Merituaren Ordena Royal Societyko kidea Knight Commander of the Order of the Bath Leconte Prize  (1895) Kimikako Nobel Saria  (1904) Elliott Cresson Domina  (1913) Matteucci domina  (1907) honorary doctor of the Jagiellonian University of Krakow  (1900) August Wilhelm von Hofmann Medal  (1903) Davy Medal  (1895) Honorary Fellow of the Royal Society of Edinburgh Pour le Mérite ordena Longstaff Prize  (1897)
Kidetza	Royal Society Zientzien Bavariar Akademia San Petersburgoko Zientzien Akademia Suediako Zientzien Errege Akademia Hungariako Zientzien Akademia Edinburgoko Errege-elkartea Zientzien Errusiar Akademia Prusiako Zientzien Akademia XL izeneko Zientzien Akademia Nazionala Arteen eta Zientzien Herbehereetako Errege Akademia Ameriketako Estatu Batuetako Zientzien Akademia Nazionala Accademia delle Scienze di Torino

Biografia

Sir Andrew Ramsay geologo ospetsuaren iloba zen. Glasgowen hasi zituen ikasketak baina ikasketa gorenak egitera Alemaniara joan zen, Tübingengo unibertsitatera hain zuzen ere. Williamen tesia Investigations in the Toluic and Nitrotoluic Acids (Azido toluiko eta nitrotoluikoen azterketak) izan zen.

1878an Glasgowra itzuli zen eta 1880an Bristolera jona zen bertako unibertsitateko Erretore izatera. Bristolen ezkondu zen 1881ean eta 1887an Londresko Unibertsitateko buru izendatu zuten eta bertan egin zuen lan 1913an erretiratu zen arte.

Buckinghamshireko High Wycombe herrian bizi izan zen eta 63 urte zituela hil zen minbiziz.

Lorpen zientifikoak

1894ean Lord Rayleighk emadako hitzaldi batetara joan zen. Bertan kimikoki sintetizaturiko eta naturan isolaturiko nitrogenoaren dentsitateen artean aldea zegoela jakin zuen. Rayleighk sustantzia bat isolatu zuela adierazi zion eta Ramsayk aztertu ondoren antzeko molekularen deskribapenik existitzen ez zela ohartu ondoren "argon" izena jarri zion.

1895ean argonaren bila ari zela, klebeita minerala azidoekin tratatu zuen eta oxigenoa eta nitrogenoa askatzean argonaren ordez marra hori bat aurkitu zuen argi espektroan, eguzkian agertzen denaren antzekoa. Sustantzia berri honi "helio" deitu zion. Isolamendu teknika berdinak erabiliz neona, kriptona eta xenona aurkitu zituen hurrengo urteetan, bai eta radona izango zenaren ezaugarriak definitu ere.

1905ean Kimikako Nobel Saria eman zioten.

Ikus, gainera

• Gas nobleak

Kanpo estekak

• Datuak: Q950726
• Multimedia: William Ramsay / Q950726