Theodor Seuss Geisel

Theodor Seuss Geisel (Springfield, Massachusetts, 1904ko martxoaren 2a - San Diego, Kalifornia, 1991ko irailaren 24a) haur-literaturako idazle estatubatuarra, argitaratzailea eta irudigilea izan zen. Geiselen lanak oso ezagunak dira Estatu Batuetan, batez ere, bere bertsoetan tartekatzen duen umore apetatsu jostalariarengatik eta liburuak apaintzeko egiten dituen marrazki alai exotikoengatik.

Theodor Seuss Geisel
Irudi gehiago
Bizitza
Jaiotza	Springfield, 1904ko martxoaren 2a
Herrialdea	Ameriketako Estatu Batuak
Lehen hizkuntza	ingelesa
Heriotza	La Jolla, 1991ko irailaren 24a (87 urte)
Heriotza modua	berezko heriotza: mouth cancer (en)
Familia
Ezkontidea(k)	Helen Palmer Geisel (en)  (1927 -  1967) Audrey Dimond (en)  (1968ko abuztuaren 5a -  1991ko irailaren 24a)
Seme-alabak	ikusi baliorik ez
Familia	ikusi Lark Grey Dimond-Cates (en) (alabaorde)
Hezkuntza
Heziketa	Dartmouth College Lincoln College (en)
Hizkuntzak	ingelesa
Jarduerak
Jarduerak	idazlea, poeta, ilustratzailea, haur literatura idazlea, gidoilaria, prosalaria, animatzailea eta producer (en)
Lan nabarmenak	ikusi Horton Hears a Who! (en) The Cat in the Hat How the Grinch Stole Christmas! (en) Green Eggs and Ham (en) The Lorax (en) Fox in Socks (en) On Beyond Zebra! (en) If I Ran the Zoo (en) And to Think That I Saw It on Mulberry Street (en) Mr. Brown Can Moo! Can You? (en) The 500 Hats of Bartholomew Cubbins (en) Hop on Pop (en) Oh, the Places You'll Go! (en)
Jasotako sariak	ikusi Legionnaire of Legion of Merit California Hall of Fame  (2008) Children's Literature Legacy Award  (1980) Regina Medal  (1982) Izarra Hollywoodeko Ospearen pasealekuan  (2004ko martxoaren 11) Inkpot Award  (1991) Pulitzer Prize Special Citations and Awards Legion of Merit American Campaign Medal European-African-Middle Eastern Campaign Medal World War II Victory Medal
Izengoitia(k)	Dr. Seuss
Genero artistikoa	maitagarri-ipuina
Diskoetxea	RCA Records
Zerbitzu militarra
Parte hartutako gatazkak	Bigarren Mundu Gerra
Sinesmenak eta ideologia
Alderdi politikoa	Ameriketako Estatu Batuetako Alderdi Demokrata
seussville.com

Bizitza

Artista gisa bere kasa ikasi zuen. Hamar bat urtez karikaturak marrazten lan egin ondoren, 1937an, haurrentzako lehenengo liburua kaleratu zuen: And to Think That I Saw It on Mulberry Street, Doctor Seuss izengoitiaren azpian. Testu haren xalotasunak eta umore biziak berehalako arrakasta eman zion. Handik gutxira, liburu gehiago argitaratu zituen, The King's Stilts (1939), adibidez; edota txori batek engainatuta arrautzaren gainean esertzen den harako elefante haren historia, Horton Hatches the Egg (1940). Bigarren Mundu Gerrako urteetan (1939-1945), haur-literatura utzita, zinemarako gidoiak (dokumentalak) idatzi zituen. Horien artean, aipagarria da Design for Death, japoniar herriari eskainia, Akademiak saritua. Gerra bukatutakoan, atzera lotu zitzaion haurrentzako liburuak idazteari, eta laster argitaratu zuen liburu bat, McElligott's Pond (1947). Hurrengo hamarraldietan berrogei bat idatzi zituen guztira: Horton Hears a Who (1954), How the Grinch Stole Christmas (1957), The Cat in the Hat (1957), Green Eggs and Ham (1970), The Lorax (1971), The Butter Battle (1984)... Bestalde, marrazki bizidunetako pertsonaia bat sortu zuen, Gerald McBoing Boing, Akademiak saritua. Halaber, Pulitzer Sariaren aipamen berezia jaso zuen, bere bizitza osoa Estatu Batuetako haurrentzako liburu didaktikoak eta jostagarriak egitera buru-belarri emateagatik. Nolanahi dela ere, haren azkeneko liburuek arrakasta handia eta oso harrera ona izan zuten helduen artean ere, eta salduenetakoak izan ziren: You're Only Old Once (1986), Oh, the Places you'll Go! (1990).

Erreferentziak

• Datuak: Q298685
• Multimedia: Dr. Seuss / Q298685