The Illusionist (2006ko filma)
The Illusionist (euskaraz Ilusionista) 2006ko Neil Burger estatubatuar zinema zuzendariaren drama filma bat da. Steven Millhauser idazlearen "Eisenheim the Illusionist" ("Eisenheim Ilusionista") eleberrian oinarritua dago. Edward Norton, Paul Giamatti, Jessica Biel, Rufus Sewell eta Eddie Marsan aktoreek antzeztu zuten.
200ko Sundanceko Zinemaldian estreinatu zen. Gaiari dagokionez, urte berdinean estreinatutako The Prestige (Ospea) filmearekin antzekotasuna du.
Argumentua aldatu
1900. urtea, Austriar-Hungariar Inperioa, Viena hiria. Eisenheim (Edward Norton) gizon misteriotsuak bere magia eta ilusionismo ikuskizunekin ikusleak txinditu eta liluratuak dauzka. Bere naturazgaindiko ahalmenenen esamesak Leopold (Rufus Sewell) printze erregegaiaren belarrietara iritsi direnez, bere emaztegai Sophie (Jessica Biel) eder eta sofistikatuarekin batera ilusionistaren ikuskizunera joatea erabaki du. Eisenheimek iruzurra egiten duelako susmoan, Leopold printzeak Uhl (Paul Giamatti) inspektore buruari hura hurbiletik zelatatu dezan aginduko dio.
Aktoreak aldatu
- Edward Norton: Eisenheim ilusionista (Eduard Abramovich izenez jaioa)
- Aaron Taylor-Johnson: Eisenheim gaztea
- Paul Giamatti: Walter Uhl inspektore burua
- Jessica Biel: Sophie von Teschen dukesa
- Eleanor Tomlinson: Sophie gaztea
- Rufus Sewell: Leopold printze erregegaia
- Eddie Marsan: Josef Fischer, Eisenheimen managerra
- Jake Wood: Jurka
Kanpo estekak aldatu
- The Illusionist filmaren IMDBko fitxa irakurgai (Ingelesez)
- Filmaren webgunea (Ingelesez)
- The Illusionist filmaren trailer edo iragarkia ikusgai. Youtube.com (Ingelesez)