The Fields of Athenry
The Fields of Athenry (euskaraz: Athenryko zelaiak) Irlandako folk balada da, 1970eko hamarkadan Pete St. John irlandar musikariak ondu zuena. Galwayko konderriko Athenry udalerrian jatorria duen Michael izeneko gizon baten historia kontatzen du abestiak; Irlandako Gosete Handian (1845-1950) familia elikatzeko jana lapurtzeagatik Australiako Botany Bay badiara erbesteratua izatera zigortua izan zen Michael.[1]
| The Fields of Athenry | |
|---|---|
Dropkick Murphysen, Danny Doyle (en)  eta Paddy Reillyren musika-lana | |
| Egilea(k) | Dropkick Murphys, Danny Doyle (en) eta Paddy Reilly |
| Argitaratze-data | 1979 |
| Izenburua | The Fields of Athenry |
| Jatorrizko herrialdea | Irlandako Errepublika |
| Ezaugarriak | |
| Genero artistikoa | Irish folk music (en) |
| Hizkuntza | ingelesa |
| Hitzak | Pete St. John |
| Bestelako lanak | |
| Musikagilea | Pete St. John |
Mixel Etxeberrik euskarazko bertsio bat sortu zuen.[2]
Hitzak aldatu
| The Fields of Athenry | Athenry-ko zelaiak[2] |
|---|---|
| By a lonely prison wall I heard a young girl calling Michael they are taking you away For you stole Trevelyn's corn So the young might see the morn. Now a prison ship lies waiting in the bay.
|
Kartzela leihotik neska bat
entzun dut nik oihuka Mikel haizatu dute herritik artoa ebatsirik doluan barna sarturik ur artean beha dago kartzela Urrundu dire zelaiak xoriak hegal kolpez ere bai amodioa hegalpean kantatuz gure ametsak bakartasun handian gelditzen naiz
othoi ez izan beldur andrea goseak oldarturik hemen naiz apaldurik orain haurra haz dezazu bakarrik
xoriak hegal kolpez ere bai amodioa hegalpean kantatuz gure ametsak bakartasun handian gelditzen naiz
zeruak estalirik untzia berekin maitea egin othoitz ta atxik itxaropena bakartasun handian gelditzen naiz.
|
Historia aldatu
Pete St John musikari irlandarrak idatzi zuen 1979an.[3] 1996an salatu zen 1880ko hamarkadan argitaratutako liburuxka batek antzeko hitzak zituela; hala ere, John Moulden folklorista eta ikerlariak ez zuen inolako oinarririk aurkitu salaketa horretarako, eta hitzak eta musika ere Pete St. Johnek idatzi dituela adierazi zuen.[4][5]
1979an, Danny Doyle-k grabatu zuen, eta Irlandako Singles Chart zerrendako hamar onenen artean kokatu zen. [2] Abestia 1982an berriro grabatu zuen Barleycorn-en, Irlandako entzunenen artean zazpigarrena izatera iritsi zen. Harrezkero beste bi bertsio iritsi dira Irlandako hamar onenenetara: Cox Crew-ek 1999an bostgarren postua lortu zuen, Dance to Tipperary-k, berriz, 2001ean sei.
Letrak dio kondenatuaren delitua "Trevelyanen artoa lapurtzea" zela; hura Charles Edward Trevelyan zen, britainiar goi karguko funtzionarioa zena, Irlandako agintaritzak Dublineko gazteluan zuen administratzailea, XIX. mendeko erdialdean Irlandan egon zen gosete ikaragarrian artoaren prezioa kontrolatzen aritu zen agintaria.
Erreferentziak aldatu
- ↑ (Ingelesez) «Celebrating 'a song for the people'» The Irish Times (Noiz kontsultatua: 2019-12-04).
- ↑ a b Athenry-ko zelaiak (Mikel Etcheverry). (Noiz kontsultatua: 2019-12-04).
- ↑ «Pete St John .com» web.archive.org 2008-08-20 (Noiz kontsultatua: 2019-12-04).
- ↑ Cantaria: Contemporary: Fields of Athenry Artxibatua 16 otsaila 2016 hemen: Wayback Machine
- ↑ Haines, Robin F.. (2004). Charles Trevelyan and the great Irish famine. Four Courts Press ISBN 1-85182-755-2. PMC 55800411. (Noiz kontsultatua: 2019-12-04).
Kanpo estekak aldatu
- The Dubliners taldearen The Fields of Athenry abestiaren bertsioa entzungai (Ingelesez)
- Paddy Really abeslariaren taldearen The Fields of Athenry abestiaren bertsioa entzungai (Ingelesez)
- Brian Kennedy abeslariaren taldearen The Fields of Athenry abestiaren bertsioa entzungai (Ingelesez)
- Athenryko zelaiak. Baionan kantuz. Youtube
Datuak: Q153274
