Talaia

Artikulu hau zaintzeko eraikuntza eta tokiari buruzkoa da; beste esanahietarako, ikus «Talaia (argipena)».

Talaia ingurune zabala begiztatu eta zaintzeko erabiltzen den dorrea edo goragunea da. Bereziki erabilera militarra izan dute historian. Euskal Herrian, ohikoak ziren aurreko mendeetan baleak, arrain sardak eta ontziak begiztatzeko dorreak. Egun, erabilera zibilerako ere erabiltzen dira, basoko suteen aurreikuspena egiteko esaterako.