Sten Sture Zaharra

Sten Sture Zaharra (suedieraz: Sten Sture den äldre; 1440 – 1503ko abenduaren 14a) Suediako erregeordea izan zen Kalmarko Batasunaren garaian, 1470 -1497 eta 1501-1503an.

Sten Sture Zaharra
Irudi gehiago
regent of Sweden (en) 1501eko azaroaren 12a - 1503ko abenduaren 14a regent of Sweden (en) 1470eko ekainaren 1a - 1497ko urriaren 6a
Bizitza
Jaiotza	Suedia, 1440 (egutegi gregorianoa)
Herrialdea	Suedia
Heriotza	Jönköping, 1503ko abenduaren 14a (egutegi gregorianoa) (62/63 urte)
Hobiratze lekua	Mariefred Charterhouse (en) Strängnäs Cathedral (en)
Familia
Aita	Gustav Sture
Ama	Birgitta Stensdotter
Ezkontidea(k)	Ingeborg Tott (en)
Anai-arrebak	ikusi Birgitta Gustavsdotter
Hezkuntza
Hizkuntzak	suediera
Jarduerak
Jarduerak	politikaria

Biografia

Sten 1440 inguruan jaio zen. Aita Sture leinuko Gustav Anundsson izan zen eta ama, berriz, Birgitta Stensdotter Bielke, Karlos VIII.a Suediakoaren ahizpaordea.

1467an, Ingeborg Tottekin ezkondu zen, Magdalena Suediakoaren ilobarekin. Emaztea Pizkundeko nortasuna zuen emakumea zen eta teologia eta zientzia zituen gustuko, baina bikoteak ez zuen seme-alabarik izan.

Lehen erregealdia

Sten Sture Zaharra Stockholmen sartzen. Georg von Rosenen lana, 1864an

Sture Karlos VIII.aren heriotzaren ondoren iritsi zen erregeorde izatera eta Brunkebergeko garaipenak indarra eman zion kargu horretan. Nekazariak eta behe noblezia bere alde jarri zitzaizkion eta, era berean, ondo jakin zuen goi nobleziarekin asmatzen.

1471n, garaipena lortu zuen Brunkebergeko guduan eta salbatzailetzat hartu zuten Sture herrian.

1493an, Joan I.a Danimarkakoa eta II.a Suediakoa eta Ivan III.a Errusiakoa aliatu egin ziren Sten Sturen aurka egin ahal izateko.

1495etik 1497ra bitarte, nahikoa lan izan zuen Stenek errusiarren aurka, Finlandia inbaditu zutelako. Baina, gero, suediar nobleziaren gehiengoarekin izan zuen haserrea eta Rigsraadet edo Erreinuaren Kontseiluak Svante Nilsson egin zuen erregeorde 1497ko martxoaren 8an.

Bigarren erregealdia

Ondoren etorri zen gerran, Stenek nekazarien laguntza jaso zuen, baina Joan I.a Danimarkakoa eta II.a Suediakoak porrotera eraman zituen, urte bereko uztailean, Suedia inbaditu zuelarik.

Urriaren 6an, Stenek amore eman behar izan zuen Stockholmen Joan I.a Danimarkakoa eta II.a Suediakoaren aurrean eta bakea egin zuen harekin. Joan I.a Danimarkakoa eta II.a Suediakoa Suediako errege egin zuten eta Steni erregearen ondorengo kargu altuena eman zion.

Hala ere, 1501eko daniarren aurkako altxamenduan, berriro izan zen erregeorde eta Suediako independentziaren aldeko borroka zuzendu zuen hil zen arte.

Ondorengoak

Seme-alabarik ez zuenez, ondorengo gertuena bere arrebaren semea izan zen, Gustavo I.a Suediakoa. Hala ere, oraindik ez zuen inongo esperientzia politikorik eta Stenen lehiakide izan zen Svante Nilssonek hartu zuen bere ordea.

Aurrekoa Karlos VIII.a Suediakoa

Suediako erregentea 1470-1497

Ondorengoa Joan I.a Danimarkakoa eta II.a Suediakoa

Aurrekoa Joan I.a Danimarkakoa eta II.a Suediakoa

Suediako erregentea 1501-1503

Ondorengoa Svante Nilsson

Erreferentziak

Wikimedia Commonsen badira fitxategi gehiago, gai hau dutenak: Sten Sture Zaharra

• Datuak: Q452506
• Multimedia: Sten Sture the Elder / Q452506