Silves de la Selva izenburu duena zalduneria liburu espainiar bat da, Amadis de Gaularen zikloko hamabigarrena, Pedro de Lujánek idatzia. Lehen aldiz Sevillan inprimatu zuen Dominico de Robertisek, eta bigarren edizio bat izan zuen inprimategi berean 1549an. Bere izenburu osoa Dozena parte del invencible caballero Amadís de Gaula. Que trata de los grandes hechos en armas del esforzado caballero don Silves de la Selva con el fin de las guerras ruxianas da.

Lanak Don Luis Ponce de León Arcoseko dukea, Zaharako markesa, Casareseko kondea eta Marchena hiribilduko jaunari eskainitako hitzaurre bat du, eta sarrerako atal moduko bat, non Lujanek, dontzeila batzuek adierazita, itsasoaren ertzeko kobazulo batean jatorrizko eskuizkribua nola aurkitu zuen azaltzen duen, ustez grezieraz idatzia, eta nola hori itzultzen hasi zen.

Silves de la Selvak bi zati ditu, lehena 60 atalekoa eta bigarrena 75ekoa. Laneko protagonista Amadis de Greciaren eta Finistea erreginaren ezkontzaz kanpoko semea da, Silves bera istorioan lehen zatiko 49. atalerarte parte hartzen hasten ez den arren, eta aurrekoak nagusiki bere iloba Rogel de Greciari eta amadistar zikloko aurreko liburuetako beste pertsonaia batzuei buruzkoak dira. Bigarren zatian Silvesen papera handitzen da eta bere abentura ugariak eta Pantasilea printzesarekin zuen amodioa kontatzen dira, Amadis de Grecia, Amadis de Gaula, Rogel de Grecia, Esplandian, Florisel de Niquea, Lisuarte de Grecia eta beste zaldun batzuei eskainitako orrialde ugari ere badagoen arren. Liburuaren azken zatian, gorantza doan garrantzia hartzen hasten dira Esferamundi de Grecia, Rogel de Grecia eta honen emazte Leonida infantaren semea dena, eta Rogelen lagun eta senidea den Amadis de Astra, Agesilao eta Dianaren semea dena, honi eskainitakoa izango zelarik zikloko hurrengo liburua.

1551n Italian Silves de la Selvaren itzulpen bat argitaratu zen, Mambrino Roseok hamairugarren liburu bat idazteko oinarritzat hartu zuena, eta sei zatitan argitaratu zena 1558 eta 1565 bitartean, Esferamundi de Grecia izenekoa, eta Rogel eta Leonidaren semearen ekintza eta abenturak kontatzen dituena.

Kanpo estekak aldatu