Sant'Angelo (Erroma)

Sant'Angelo Erroma hiriko alde historikoa (I municipioa) osatzen duten hogeita bi rionietan hamaikagarrena da. Erromako judutegia izan zen bertan eta gaur egun sinagoga eta Juduen Museoa daude haren adierazgarri.

Sant'Angelo R. XI Sant'Angelo
Erromako Rioniak
Irudi gehiago
Administrazioa
Estatu burujabe	Italia
Eskualdea	Lazio
Italiako hiri metropolitarra	Erromako hiri metropolitarra
Hiria	Erroma
Izen ofiziala	Sant'Angelo
Jatorrizko izena	R. XI Sant'Angelo
Geografia
Koordenatuak	41°53′36″N 12°28′40″E
Azalera	0.1376 km²
Mugakideak	Pigna, Campitelli, Ripa, Regola eta Sant'Eustachio
Demografia
Biztanleria	1.033 (2020ko abenduaren 31)
Dentsitatea	7.507,27 bizt/km²
Informazio gehigarria
Sorrera	XIII. mendea
Telefono aurrizkia	06
Ordu eremua	UTC+01:00 eta UTC+02:00
Matrikula	RM

Geografia

Erromako rionien artean txikiena da eta Tiber ibaiaren eskuinaldean kokaturik dago, Tiber uhartearen parean. Eremu laua da eta antzina Tiber ibaia handi zetorrenean urak eremu hau estaltzen zuen.

Historia

Antzinako Erroma garaian Tiber ibaia gurutzatzeko ibi naturala zen eta garrantzia estrategiko handia zuen beraz. K.a. III mendean Circus Flaminius eraiki zuen bertan Gaio Flaminio kontsulak eta k.a. I mendean Zesar Augusto enperadoreak hainbat eraikin altxatu zituen inguruan; Martzeloren antzokia eta bi atari, besteak beste.

Erdi Aroan eraikin guzti hauek egoera txarrean aurkitzen ziren. Porticus Octaviae atariaren hondarretan arrain merkatua ezarri zen. 770 urtean Sant'Angelo in Foro Piscium (San Angel arrain merkatukoa) eliza eraiki zen eta honek eman zion rioneari izena. Langile jendeak osatzen zuen auzoko biztanleria, hala nola, sokagileak, errementariak, ile-moztaileak eta arrain merkatuko langileak. Pizkunde garaian Erromako judutegia kokatu zen auzoan baina 1555 urteko uztailaren 14an Paulo IV.ak harresitu egin zuen. 1848 urtean Pio IX.ak harresiak eraitsi zituen eta 1870an bigarren mailako hiritar izateari utzi zioten.

Ondasun nabarmenak

• Martzeloren antzokia
• Erromako Sinagoga handia
• Erromako Juduen museoa
• San Nicola in Carcere eliza
• Apollo Sosianusen tenplua
• Belonaren tenplua
• Dordoken iturria

Iruditegia

• 
  Martzeloren antzokia.
• 
  Erromako Sinagoga handia.
• 
  Porticus Octaviae.
• 
  San Nicola in Carcere eliza.
• 
  Apollo Sosianusen tenplua.
• 
  Belonaren tenplua.
• 
  Dordoken iturria.

Kanpo estekak

• Datuak: Q2223892
• Multimedia: Rione XI - Sant'Angelo / Q2223892