Pretty Soldier Sailor Moon (japonieraz: 美少女戦士セーラームーン Bishōjo Senshi Sērā Mūn?) , normalean Sailor Moon izenez ezaguna, Naoko Takeuchik 1992an idatzi eta ilustratutako manga saila da. Manga bereziki ospetsua egin zen neska magikoen azpigeneroa berriro arrakasta handiz ekartzeagatik,[1] eta bere sentai osagaiek onarpen masiboa ere lortu zuten gizonezkoen artean, orokorrean horrelako istorioetan interes gutxiago zuena. Kodansha argitaletxearen Nakayoshi ("lagun minak") aldizkari japoniarrean argitaratu zuten 1992 eta 1997 artean eta 18 tankōbon (liburuki) zituen bilduma batean bildu zuten.

 Sailor Moon
Jatorria
Izenburua美少女戦士セーラームーン
Jatorrizko herrialdeaJaponia
Ezaugarriak
Hizkuntzajaponiera
sailormoon.channel.or.jp

Hasiera batean, Naoko Takeuchik Codename wa Sailor V ("Sailor V klabe-izena") historia laburra argitaratu zuen argitaletxe bereko Run-Run aldizkarian. Istorioa hainbeste gustatu zenez, berehala egin zen anime saila bat egiteko proposamena. Hala ere, egileak nahiago izan zuen pertsonaia gehiago eta trama sendoago bat gehitu. Horrela sortu zen Bishōjo Senshi Sailor Moon telesaila, Codename wa Sailor V.aren jarraipena, paraleloki argitaratu zutena eta jatorrizkoaren gainean nagusitzen amaitu zuena. Codename wa Sailor V arrakastaz gaindituz, Bishōjo Senshi Sailor Moon animera jauzi egin zuen ia aldi berean, 1992an paperean argitaratzearekin batera. Lehen egokitzapen bizidun hau 42 hizkuntzatara bikoiztua izan zen (orain arte, bikoizketa gehien dituen animea) eta 80 herrialde ingurutan emititua. Telesailak Sera Myu izeneko musikal ugari ere izan zituen, baita Pretty Guardian Sailor Moon izeneko bertsioa ere, 49 kapitulu eta 6 bideo berezirekin.

Erreferentziak aldatu

  1. (Ingelesez) Gravett, Paul. (2004-8-3). Manga: Sixty Years of Japanese Comics. Harper Design, 78 or. ISBN 978-1856693912..