Rudolf Trebitsh

Rudolf Trebitsh
Bizitza
Jaiotza	Viena, 1876ko urtarrilaren 28a
Herrialdea	Austria
Heriotza	Judendorf-Straßengel (en) , 1918ko urriaren 9a (42 urte)
Familia
Aita	Leopold Trebitsch
Anai-arrebak	ikusi Arthur Trebitsch (en) ;
Jarduerak
Jarduerak	etnologoa

Rudolf Trebitsch , 1876ko urtarrilaren 28an, Viena hirian jaio zen austriar antropologoa izan zen. 1918ko urriaren 9an, Graz hirian hil zen; etnologiaren ikuspuntutik Europako hainbat hizkuntza gutxitu ikertu zituen eta tokian-tokiko soinu grabazioak bildu zituen ikertzeko.

Biografia aldatu

Leopol Trebitsch eta Malvina Singerren semea zen. Hasieran medikuntza ikasketak egin zituen eta 1900 urtean burutu. Gerora, antropologia, etnologia eta hizkuntzalaritza alorretan ikasketak egin zituen. Ondoren, 1904tik 1913ra bitartean, Islandia (1904), Groenlandia (1906), Irlanda, Gales eta Eskozia (1908,1909) eta Euskal Herrian (1913)barrena ibili zen, desagertzeko zorian zeuden hizkuntzak ikertzeko. Lehenengo Mundu Gerra hasi eta 1915ean mediku gisa jardutera bidali zuten armadako erietxe batera, Grazetik gertu; han hil zen hiru urte beranduago.

Lanak aldatu

Vienako Zientzietako Akademia Inperialeko kidea izan zen. Hizkuntz grabazioak eta grabazio musikalak egin zituen. Soinuez gain, argazkiak, lanabesak, arropak, oinetakoak, etab. bildu zituen. Bilduma horiek guztiak Zientzien Akademia Inperialaren Artxibo Fonografikoan (edo “Phonogrammarchiv”) eta Vienako Museo Etnografikoan jaso ziren. 1913ko udan Euskal Herrira etorri zen eta euskaldunen lekukotzak bildu zituen, hotsak eta musika. ^[1]

Erreferentziak aldatu

↑ LOPEZ DE ARANA, I., «Rudolf Trebitsch-en 1913ko euskal grabazio musikalak (II)»,Lapurdum : revue annuelle du Centre de Recherches sur la Langue Basque et l'Expression en Langue Basque (ERS 142 du CNRS et de Bordeaux III) et du Département Interuniversitaire d'Études Basques (Faculté Pluridisciplinaire de Bayonne) zk. 14 (2010), 89-135 or.

Kanpo loturak aldatu

Rudolf Trebtschen euskal grabazioak, http://www.ahotsak.com/erabiltzaileak/rudolf_trebisch
Rudolf Trebitsch-en 1913ko Euskal grabazio Musikalak (II) Inaxio López de Arana Arrieta|http://lapurdum.revues.org/2285
(Alemanez)Austriako Artxibo Fonografikoaren katalogoa, non Trebitscheek bildutako grabazioak entzungai diren http://catalog.phonogrammarchiv.at/

Datuak: Q2173970

[1] LOPEZ DE ARANA, I., «Rudolf Trebitsch-en 1913ko euskal grabazio musikalak (II)»,Lapurdum : revue annuelle du Centre de Recherches sur la Langue Basque et l'Expression en Langue Basque (ERS 142 du CNRS et de Bordeaux III) et du Département Interuniversitaire d'Études Basques (Faculté Pluridisciplinaire de Bayonne) zk. 14 (2010), 89-135 or.

[1]