Rose Leslie

Rose Eleanor Arbuthnot-Leslie (Aberdeen, Eskoziar, 1987ko otsailaren 9a), Rose Leslie izen-deiturez ezagunagoa, aktorea da. Ospetsua da Game of Thrones telesailean Ygritteren rola jokatu zuelako; Downton Abbey telesailean, Gwen Dawsonen rola; eta The Good Fight telesailean, Maia Rindellen rola.

Rose Leslie
Irudi gehiago
Bizitza
Jaiotzako izen-deiturak	Rose Eleanor Arbuthnot-Leslie
Jaiotza	Aberdeen, 1987ko otsailaren 9a (37 urte)
Herrialdea	Erresuma Batua
Bizilekua	Lickleyhead Castle (en) Battersea (en) East Anglia (en) Londres Old Rayne
Lehen hizkuntza	Ingeles britainiarra
Familia
Aita	Sebastian Arbuthnot-Leslie
Ama	Candida Weld
Ezkontidea(k)	Kit Harington  (2018ko ekainaren 23a -
Anai-arrebak	ikusi William Arbuthnot-Leslie (en) Sophia Arbuthnot-Leslie (en) John Arbuthnot-Leslie (en) Portia Arbuthnot-Leslie (en)
Leinua	Clan Leslie (en)
Hezkuntza
Heziketa	London Academy of Music and Dramatic Art Millfield (en) International School of France (en)
Hizkuntzak	ingelesa frantsesa
Jarduerak
Jarduerak	aktorea, zinema aktorea, antzerki aktorea eta aristokrata
Altuera	1,68 metro
Lantokia(k)	Eskozia
Genero artistikoa	drama Nobela poliziakoa film dokumentala

Bizitza

Eskoziako Aberdeen hirian jaio zen eta Lickleyhead gazteluan hazi zen 10 urte bete zituen arte. Bere aita, Aberdeenshireko Leslie Klaneko buruzagia zen. Gaur egun XII. mendeko Wardhill gazteluan bizi da bere familia.

Milldfield Schoolen egin zituen bere lehen ikasketak, ondoren London Academy of Music and Dramatic Arten graduatu zen, eta bertan Bachelor of Arts saria jaso zuen.

2009an hasi zen aktore lanetan.

Game of Thrones telesailean Jon Snowren papera antzezten zebilen Kit Harrington ezagutu zuen, eta bikote harreman bat hasi zuten. 2018an ezkondu ziren Lesliren familiaren Wardhill gazteluan.

Aktore ibilbidea

2009an egin zuen debuta aktore bezala, New Town telesailean, Rhian pertsonaiaren paperean. Lan honi esker, BAFTA bat jaso zuen aktore berri onenaren kategorian.

Antzerkian ere aritu zen, eta Nell Leyshon Bedlam antzezlanarekin The Globeko eszenatokira igo zen.

Honen ondoren, bere paper ezagunenetako bat heldu zitzaion, Downton Abbey telesaileko Gwen Dawsonen papera hain zuzen ere. ITVko Telesail honen lehen denboraldiko atal guztietan lan egin zuen.

Zineman ere lan egin zuen, Jehny Downhamen Before I Die eleberriaren egokitzapena den Now is Good filmean 2012an, Fiona pertsonaiaren paperean edo Honeymoon filmean Bearen paperean Harry Treadawayekin batera.

2012an, hasi zen HBOren Game of Thrones telesail ospetsuan lanean Ygritte pertsonaiaren paperean. Telesailaren hiru denboralditan egin zuen lan, guztira 17 ataletan.

Utopia telesail britaniarreko bigarren denboraldian ere hartu zuen parte, MI5eko Milner agentearen rolean.

Gaur egun, The Good Wife telesailaren bigarren zatia den The Good Fight telesailean ari da lanean, Maia Rindell pertsonaiaren paperean.

Filmografia

Zinema

Urtea	Izenburua	Pertsonaia	Zuzendaria
2012	Now Is Good	Fiona	Ol Parker
2014	Honeymoon	Bea	Leigh Janiak
2015	The Last Witch Hunter	Chloe	Breck Eisner
2016	The Last Dance	Athena	Amanda Sharp
	Morgan	Dr. Amy Menser	Luke Scott
2020	Death on the Nile	Louise	Kenneth Branagh

Telesailak

Urtea	Izenburua	Pertsonaia	Katea
2008	Banged Up Abroad	Kim	Channel 5
2009	New Town	Rhian	BBC
2010	Downton Abbey	Gwen Dawson	ITV
2011	Case Histories	Laura Wyre	BBC
2012	Vera	Lena Holgate	ITV
2012- 2014	Game of Thrones	Ygritte	HBO
2014	Blandings	Niagra Donaldson	BBC One
	Utopia	Young Milner	Channel 4
	The Great Fire	Sarah Farriner	ITV
2015	Luther	DS Emma Lane	BBC One
2016	Revolting Rhymes	Txano Gorritxo(ahotsa)	BBC One
2017- 2019	The Good Fight	Maia Rindell	CBS All Acces
2019	Saturday Night Live	Rose Leslie

Bideo-jokoak

Urtea	Izenburua	Pertsonaia
2017	Echo	En

Sariak

Urtea	Saria	Kategoria	Lana	Emaitza
2009	BAFTA Eskoziarra	Best Acting Performance	New Town	Irabazlea
2013	Aktoreen Sindikatuaren Saria	Outstanding Performance by an Ensemble in a Drama Series	Game of Thrones	Izendapena

• Datuak: Q461132
• Multimedia: Rose Leslie / Q461132