Red Hat

Red Hat izen bereko eta Fedora GNU/Linux sistema eragilearen distribuzioen sortzailea eta haien mantenuaren ardura duen enpresa da. Halaber, middleware esparruan jboss.org babesten du eta bertsio profesionala banatzen du JBoss Enterprise markapean.

Red Hat
Datuak
Mota	negozioa, enpresa eta kapital irekiko enpresa
Jarduera sektorea	Software fabrika
Herrialdea	Ameriketako Estatu Batuak
Jarduera
Kidetza	Linux Fundazioa, European Committee for Interoperable Systems (en) , CVE Numbering Authority (en) , Bytecode Alliance (en) , Node.js Foundation (en) , OpenJS Foundation (en) , OpenPOWER Foundation (en) eta Computer & Communications Industry Association (en)
Honen parte	S&P 500
Eskumendekoak	Red Hat (United Kingdom) (en) , Red Hat (Israel) (en) , Red Hat Germany (en) , Red Hat Czech (en) eta StackRox (en)
Enplegatuak	12.000 (2017ko abuztuaren 31)
Ekoizpena	software, Fedora, Red Hat Enterprise Linux (en) , 389 Directory Server (en) eta WildFly (en)
Agintea
Zuzendari exekutiboa	Matt Hicks (en)
Egoitza nagusi	Raleigh
Legezko forma	akzio konpainia eta kapital irekiko enpresa
Jabea	IBM
Zeren jabe	Mugshot (en)
Ekonomia
Diru-sarrerak	2.411.803.000 $ (2017)
Irabazi garbia	253.700.000 $ (2017)
Ustiapen-mozkina	623.000.000 $ (2017)
Balore-burtsa	New Yorkeko burtsa
Historia
Sorrera	1993ko martxoaren 27a
Sortzailea	Bob Young (en) Marc Ewing (en)
Ordezkatzen du	Cygnus Solutions (en) eta Qumranet (en)
Aurrekoak	Cygnus Solutions (en) , ArsDigita (en) , JBoss (en) , C2Net (en) , Sistina Software (en) eta Container Linux (en)
webgune ofiziala

Red Hat oso ezaguna da software librearen mugimendua sustatzeko egindako hamaika ahaleginengatik. GNU/Linux-en bi distribuzio garrantzitsuen garapenaz arduratzeaz gain kode irekiko softwarean oinarritutako hainbat produktu eta zerbitzu eskaintzen ditu. Halaber, 2000 enplegatutik gorako azpiegitura zabala du munduko 28 herritan.

Red Haten enplegatutako programatzaileek software askeko pakete asko garatu dituzte komunitate guztiaren onurarako. Kontribuzio horien artean nabarmentzen dira RPM softwarea paketeen gestorearen sorrera eta ekipoen administrazio eta konfiguraziorako hainbat utilitateena, besteak beste sndconfig eta mouseconfig.

Linuxen Red Hat distribuzioan oinarriturik beste hainbat distribuzio sortu dira; horietatik garrantzitsuenak honako hauek dira: Mandriva Linux, Yellow Dog (soilik Power PCentzat), CentOS (Red Hat iturrietatik konpilatua) eta Scientific Linux (CERN eta Fermilab laborategien babespean eta LHCa kontrolatzen duten ordenagailuek erabiltzen dutena).

Produktuak eta proiektuak

Haren produktu nagusiak hauek dira: Red Hat Enterprise Linux distribuzioa, JBoss aplikazioen zerbitzari librea, Hibernate mapatze objektu-erlazionalarako tresna eta beste hainbat zerbitzarien esparruan.

Beste alde batetik Red Hat-ek erabiltzaile partikularrei zuzendutako Fedora distribuzioa zuzendu eta babesten du, besteak beste teknologia berriak probatzeko plataforma moduan. [One Laptop per Child] proiektuan parte hartzen du eta Red Hat Magazine web gunea mantentzen du.

Historia

Red Hat Software Inc. 1994an Bob Young-ek eta Marc Ewing-ek sortu zuten. 1999ko abuztuan Red Hat-en akzioak burtsara atera ziren eta Wall Street-en historian lehenengo eguneko zortzigarren irabazirik handiena izan zuten. Lau urte geroago Red Hat-en akzioen balioa puntu.com-en krisiaren aurretik izan zuten balio handienaren ehunen batera jaitsi zen. Hala ere, balore-merkatuan izan zuen hasiera arrakastatsuak gai informatikoekin zuzenean erlaziorik ez zuten hainbat egunkari eta aldizkarien portadetara eraman zuen. Nolanahi ere, badirudi Red Hat-ek asmatu duela gainditzen software librean oinarritutako negozioen esparruan beste zenbait enpresek izan duten arazoak eta zenbaki beltzak aurkeztu zituen haren historian lehen aldiz 2002ko azken laurdenean.

Red Hat-en historiaren une gogoangarria 1999ko azaroan Cygnus Solutions enpresaren eskuratzea izan zen. Hamar urte lehenago sortutako enpresa honek demostratua zuen software librean oinarritutako estrategia integral baten bidez dirua irabaz zitekeela.

2003ko irailean, Red Hatek erabaki zuen indar gehiena bere distribuzioaren bertsio korporatiboaren garapenean jartzea eta bertsio komuna [Fedora] distribuzioan ustea. Fedora proiektu independentea eta irekia da, baina Red Hat-ek babestua.

Ikus, gainera

• Red Hat Linux
• Fedora Core

Kanpo estekak

• Web gune ofiziala, ingelesez.
• Red Hat-en aldizkari ofiziala.
• Red Hat-en produktu eta sare-zerbitzuen katalogoa.

• Datuak: Q485593
• Multimedia: Red Hat / Q485593