Podzol
Klima hotzepel eta hezeetako lurzoru tipikoa
Podzola klima heze hotzetan eta epeletan eratzen den ohiko lurzorua da.
Errusierazko hitza da jatorriz eta hautsezko lurra esan nahi du.
Ezaugarriak aldatu
Lixibiazioa da prozesu nagusia lurzoru-mota horretan; hau da, urak buztina eta mineralak hartzen ditu lurrazalean, eta, lurpean sartzean, azpiko geruzetara garraiatzen ditu. Hori dela eta, materia organikoa oso poliki desegiten da, eta lurra azidotu egiten da.
Podzol lurzoruetan koniferoak eta txilarrak hazten dira, batez ere.
Lurzoru-mota hori da ugariena iparreko herrialdeetan (Errusian, Eskandinavian eta Kanadan, besteak beste).
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
