Pierre de Marivaux
Pierre de Marivaux (Paris, 1688ko otsailaren 4a - Paris, 1763ko otsailaren 12a) frantses idazlea izan zen.
| Pierre de Marivaux | |||
|---|---|---|---|
 | |||
1742ko abenduaren 24a - 1763ko otsailaren 12a ← Claude-François-Alexandre Houtteville (en)  - Claude-François Lysarde de Radonvilliers (en) → | |||
| Bizitza | |||
| Jaiotza | Paris, 1688ko otsailaren 4a | ||
| Herrialdea |  Frantzia | ||
| Lehen hizkuntza | frantsesa | ||
| Heriotza | Paris eta Lille, 1763ko otsailaren 11 (75 urte) | ||
| Hobiratze lekua | Church of Saint Eustache (en) | ||
| Hezkuntza | |||
| Hizkuntzak | frantsesa | ||
| Jarduerak | |||
| Jarduerak | antzerkigilea, idazlea, eleberrigilea, autorea eta kazetaria | ||
| Kidetza | Frantses Akademia | ||
| Genero artistikoa | komedia olerkigintza antzerkia idazlea | ||
    | |||
Bizitza aldatu
Familia aberats batean jaio zen. Idazten eta literatura ikertzen aritu zen bizitza guztian, gustuz hasieran eta beharrez ondoren, ondasun guztiak galdu zituenean. 1743an Frantziako Akademiako kide aukeratu zuten. Maitasunaren psikologiarekin zerikusia zuten gaiak erabili zituen bere idazkietan. Bi eleberri idatzi zituen: La vie de Marianne (1731-41, Marianaren bizitza) eta Le paysan parvenu (1736, Laborari aberastua).
Baina Marivauxren garrantzia antzerkiari lotua dago. Frantziako Komediak antzeztu zituen Marivauxek idatzitako antzerki lan gehienak. Horietako batzuk: Arlequin poli par l´amour (1722, Maitasunak findutako arlekina), La surprise de l´amour (1722), Le jeu de l´amour et du hasard (1730, Zoriaren eta maitasunaren jokoa) bere komedia nagusia; La mère confidente (1735, Ama isilmandataria), Les fausses condidences (1737), La femme fidèle (1755), eta Les acteurs de bonne foi (1757, Asmo oneko antzezleak).
Marivauxek Commedia dell'Artetik hartu zituen bere pertsonaiak, eta geroko hainbat idazleren lanen aitzindari izan zen, Laclos, Sade eta Pirandellorena, esaterako.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak aldatu
Datuak: Q49478
Multimedia: Pierre de Marivaux / Q49478
