Peter Frederick Strawson
Sir Peter Frederick Strawson (Londres, Ingalaterra, 1919ko azaroaren 23a - Londres, Ingalaterra, 2006ko otsailaren 13a) ingeles filosofoa izan zen.
| Peter Frederick Strawson | |
|---|---|
| Bizitza | |
| Jaiotza | Ealing (en)  , 1919ko azaroaren 23a |
| Herrialdea |  Erresuma Batua |
| Heriotza | John Radcliffe Hospital (en) , 2006ko otsailaren 13a (86 urte) |
| Hobiratze lekua | Wolvercoteko hilerria |
| Hezkuntza | |
| Heziketa | St John's College (en) Christ's College, Finchley (en) |
| Doktorego ikaslea(k) | Miguel Ernesto Orellana Benado (en) |
| Hizkuntzak | ingelesa |
| Jarduerak | |
| Jarduerak | filosofoa, ingeniaria eta unibertsitateko irakaslea |
| Enplegatzailea(k) | Oxfordeko Unibertsitatea Bangorko Unibertsitatea Magdalen College University College, Oxford (en) |
| Jasotako sariak | ikusi
|
| Influentziak | Ludwig Wittgenstein |
| Kidetza | Arteen eta Zientzien Ameriketako Estatu Batuetako Akademia Britainiar Akademia |
| Zerbitzu militarra | |
| Adar militarra | Britainia Handiko Armada |
| Parte hartutako gatazkak | Bigarren Mundu Gerra |
  | |
.svg){kind=small}
Biografia aldatu
Filosofia metafisikoko irakaslea izan zen Oxfordeko Unibertsitateko Magdalen Collegen 1968 eta 1987 bitartean. Ryle eta Austinen ondoren, Oxfordeko filosofia-eskola analitikoaren ordezkari nagusia izan zen. Hizkuntza arrunta eta haren erabilera aztertu zuen, baina bere taldeko pentsalari batzuek baino sistematikoago eta modu teorikoago batez egin zituen azterketak. Strawsonek aztertu zuen arazo nagusietako bat Russellen deskribapenen teoriaren kritika izan zen: On the Referring (1950, Erreferentziari buruz).
Azpimarratzekoa da, halaber, Individuals. An Essay in Descriptive Metaphysics (1959, Banakoak. Metafisika deskribatzaileari buruzko saiakera bat) obran metafisika deskribatzailearen eta metafisika errebisionistaren arteko bereizketa egin zuela. Metafisika deskribatzaileak agerian jartzen ditu gure egitura kontzeptualaren alderdi orokorrenak eta aldaezinenak, gure pentsaera eta hizkuntzaren kategoriak, eta kontzeptuak, eta metafisika errebisionistak, berriz, gure sistema kontzeptual eraginkorra hobetzeko balio du. Azken horrek filosofian zeresan handia baldin badu ere, metafisika deskribatzailea eta haren ordezkari nagusiak (Aristoteles eta Kant, alegia) zerbitzatzea du helburu nagusi.
Beste zenbait lan aipagarri: Introduction to Logical Theory (1952, Logikaren teoriari buruzko sarrera); The Bounds of Sense: An Essay on Kant's Critique of Pure Reason (1966, Zentzuaren mugak: Kanten Arrazoi Garbiaren Kritikari buruzko saiakera bat); eta artikulu eta azterlan ugari, aldizkarietan argitaratuak.
1977an Sir izendatu zuten, filosofiari egindako ekarpenengatik.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q311760
