Pablo Motos
Pablo Motos Burgos (Requena, Valentzia, Espainia, 1965eko abuztuaren 31 - ) telebistako aurkezle eta irrati-esatari espainiarra da.
| Pablo Motos | |
|---|---|
 | |
| Bizitza | |
| Jaiotza | Requena, 1965eko abuztuaren 31 (58 urte) |
| Herrialdea |  Espainia |
| Lehen hizkuntza | gaztelania |
| Hezkuntza | |
| Hizkuntzak | gaztelania |
| Jarduerak | |
| Jarduerak | telebista aurkezlea, Esataria, komediantea eta kazetaria |
| Altuera | 1,68 metro |
    | |
Karrera mediatikoa aldatu
Irratia aldatu
Pablo Motos Radio Requena irrati kateko esatari eta zuzendari bezala hasi zen. Aldi berean, Radio Utiel katean ere lan egiten zuen. Ondoren, Radio Nacional de Españan eta Onda Ceron egin du lan, eta Protagonistas, Mareando la Perdiz edo Hacia el dos mil programak aurkeztu eta zuzendu ditu. Horrez gain, Julia Oterorekin egin du lan esatari eta erredaktore bezala.
2002tik eta 2007ko ekainaren 22ra arte No Somos Nadie irratsaioa aurkeztu zuen goizero astelehenetik ostiralera, M80 Radio katean. Irratsaioa egiteari laga zion El Hormiguero telebista programari denbora osoa emateko.
Telebista aldatu
Canal Nouen Megacine aurkeztu zuen. Gainera, El Club de la Comedia programaren gidoi-koordinatzailea, La Noche de Fuentes y Cía eta Stand-up programen produktorekide exekutiboa izan da. Halaber, hainbat telesailetan cameoak egin ditu.
2006ko irailetik El Hormiguero programa aurkezten du Cuatron. Programa horren lehen urtean, igande arratsaldero ematen zuten, baina 2007ko irailetik astelehenetik ostegunera eta larunbat gauetan ematen dute.
2007an gabon zahar gaueko kanpaiak eman zituen bere programako Trancas eta Barrancas inurriekin batera.
2008an Cuatroren 2008ko Eurokoparen estreinaldian parte hartu zuen.
Musika aldatu
1993an Benidormeko jaialdian parte hartu zuen Saber amigos abestiaren konposatzaile bezala, eta lehen saria irabazi ere.
Prentsa eta liburuak aldatu
El Mundo egunkariko Valentziako Erkidegoko edizioan zutabegilea izan da. Gainera La sonrisa del mirón, No somos nadie eta No somos nadie 2 liburuak argitaratu ditu telebistako eta irratiko bere kolaboratzaileekin batera. 2008an Men's Health aldizkariko azalean atera zen.
Antzerkia aldatu
Cinco hombres.com, Cinco mujeres.com eta La vida según San Francisco antzez-lanen zuzendarietako eta gidoilarietako bat izan da. Verónica Forquéren La tentación vive arriba bertsioan kolaboratu zuen. Halaber, Enrique San Franciscorekin Entre fuerte y flojo antzezlanean protagonista izan zen.
Publizitatea aldatu
Binaca hortzetako pastaren iragarki bateko protagonista izan zen, eta Coca-Colaren iragarkiei ahotsa jarri dio.
Ekoizpena aldatu
2008ko maiatzean Pablo Motosek eta Jorge Salvadorrek beren produkzio-etxea sortu zuten, Siete y Acción. 2008ko irailetik, Siete y Acciónek El Hormiguero telebistako programa ekoizten du.
Kanpo loturak aldatu
Wikimedia Commonsen badira fitxategi gehiago, gai hau dutenak: Pablo Motos  |
- (Ingelesez) Pablo Motos (IMDb)
- (Gaztelaniaz) El Hormigero programaren webgunea
Datuak: Q3322730
Multimedia: Pablo Motos / Q3322730
