Napoleon, Marte jainko bakegile

Napoleon, Marte jainko bakegile Antonio Canova eskultore italiarraren marmolez egindako lan ezaguna da. Eskultura 1803an hasi zuen eta hiru urte behar izan zituen bukatzeko, Frantziako Lehen Inperioaren garaian, alegia. Londresko Apsley Housen iku daiteke. Halaber, munduan, beste kopia batzuk daude, esaterako brontzez egindako Brerako Arte Ederren Akademiakoa (Milan).

Napoleon, Marte jainko bakegile
Londresen, Apsley Housen dagoen eskultura. Irudi gehiago
Kokapena
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
Ingalaterrako konderri zeremoniala	Londres Handia
Hiria	Londres
Koordenatuak	51°30′13″N 0°09′06″W
Historia eta erabilera
Irekiera	1806
Jabea	Erresuma Batua
Arkitektura
Materiala(k)	haitzurdina
Dimentsioak	340 () cm

Historia

Eskultura erraldoi hau, jatorriz, kritikari batzuen ustez, Luigi Canonica arkitektoaren proiektuaren arabera, Milango Senatuko jauregian jartzeko enkargatua izan zen. Urte haietan, Napoleonen arrakastarenak, ohikoak ziren enperadorearen irudi jainkotuak egitea. Bide horretan Canova lehenetariko bat izan zen eta, ondorioz, Napoleonen familia loriatzearen propagandista handienetakotzat jotzen da. 1816an Erresuma Batuko Gobernuak eskultura erosi zuen, 66.000 frankoen truke; hori da gaur egun Apsley Housen dagoena, alegia. 1978ko urriaren 25ean ezezagun batzuk eskuineko eskuan zuen Garaipenaren ikurra lapurtu zuten. Breran 1859tik erakusten den kopia 1811an Righetti anaiek egin zuten.

Deskribapena

Martearen irudiarekin aurpegia Napoleonena da. Napoleon idealizatuta agertzen da, biluzik, garaile. Ezkerreko eskuan zetro bat darama eta eskuinean Nike lurra menperatzen. Ezkerreko besoan tunika bat darama. Haren ezpata enbor batetik zintzilik dago. Canovaren erreferente nagusia estatuagintza klasikoa da, bereziki gorputzaren anatomia eta oihalak.

Kanpo estekak

• Datuak: Q1439502
• Multimedia: Napoleon as Mars the peacemaker (1802-1806) / Q1439502