Nankingo sarraskia
Nankingo sarraskia (txineraz: 南京大屠殺; japonieraz: 南京大虐殺; pinyineraz: Nánjīng Dàtúshā), "Nankingo bortxaketa" izenaz ere ezagutua, Japoniako armadak Nanjing hiriaz jabetu eta ondorengo sei asteetan egondako biztanleria txinatarraren sarraskiari deritzo.
| Nankingo sarraskia | ||
|---|---|---|
| ||
 | ||
| Jatorrizko izena | (zh) 南京大屠殺 | |
| Mota | Japanese war crimes (en)  sarraski wartime sexual violence (en) | |
| Honen izena darama | Nanjing | |
| Honen parte da | Battle of Nanking (en) | |
| Denbora-tarte | 1937ko abenduaren 13a - 1938ko otsailaren 2a | |
| Data | 1937 | |
| Garaia | Bigarren Txina-Japonia Gerra | |
| Kokaleku | Nanjing | |
| Herrialdea | Txinako Errepublika (1912–1949) | |
| Gatazka | Bigarren Txina-Japonia Gerra | |
| Pertsona hilak | 300.000 | |
| Erantzule | Japoniako Armada Inperiala | |
| Komunikabide | ||
Hilketak sei aste iraun zituen, eta 200.000 pertsona baino gehiago hil ziren. Horrez gain, soldadu japoniarrek milaka emakume txinatar bortxatu zituzten. Datu zehatzik ez dagoen arren, bortxaketak 20.000 eta 80.000 bitartean izan zela uste da. Datu hau, Japoniako gerra auzitegiak eman zuen jakitera, eta beharbada, bortxaketa kasuak gehiago izan ziren.
Sarraskia aldatu
Sarraskiari buruzko datu gehienak, hirian garai hartan bizi ziren biztanle europarrei esker eman ziren jakitera, askotan, familiei idatzitako gutunetan. Gutun haietan bortizkeria izugarriak deskribatzen ziren.
Soldatu japoniarrek adin guztietako emakume txinatarrak bortxatu zituzten, haurretatik 80 urtetik gorako emakumeetara. Askotan, bortxaketak, egun argitan burutzen ziren, eta maiz, emakumearen familiakoen aurrean. Soldaduek emakumeak etxez etxe bilatzen zituzten, eta gehienetan, bortxaketa burutu eta gero, emakumea hil egiten zuten, aurretik tortura bortitza praktikatuz, horien artean baginatik sartzen zizkieten objektuak.
Beste emakume batzuk, bortxatzeaz gain, soldaduen sexu beharretarako prostituta bihurtzen zituzten, esklabotza sexualera behartuz. Bestelako lekukotasunek, familiakoen artean behartutako sexu-harremanen berri ematen dute, guraso eta seme-alaben artean. Haurdun zeuden emakumeak bortxatu zituzten, monje budistak sexu-harremanak izatera behartu zituzten, eta gizon txinatarrak hildako gorpuekin sexu-harremanak izatera behartu zituzten.
Bortizkeria, Nanjing hiriaren okupazioaren hasieran gogorren eman bazen ere, ondorengo urteetako Japoniar okupazio osoan zehar eman zen.
Nanjingo Segurtasun Gunea aldatu
John Rabe enpresagizon alemaniarra eta Nanjingen bizi zen europar atzerritar talde bati esker, Nanjingo Segurtasun Gunea ezartzea posible egin zen, hiriko enbaxada eta Nanjingo unibertsitatean. Segurtasun gunean, 200.000 txinatarrek hartu zuten babesa, horrela, japoniarren hilketetatik ihes eginez.
Zinema aldatu
- City of Life and Death (2009)
- The Flowers of War (2011)
Ikus, gainera aldatu
Kanpo estekak aldatu
- (Gaztelaniaz) Sarraskiari buruzko gaztelaniazko bloga.
- Gaiari buruz Berria egunkarian agertutako albistea.[Betiko hautsitako esteka]
Datuak: Q192055
Multimedia: Nanjing Massacre / Q192055
