Karraspina arrunt

Karraspina arrunta
	Irudi gehiago
Sailkapen zientifikoa
Erreinua	Fungi
Klasea	Pezizomycetes
Ordena	Pezizales
Familia	Morchellaceae
Generoa	Morchella
Espeziea	Morchella esculenta; Fr.
Datu orokorrak
Gizakiak ateratzen dizkion produktuak	common morel (en)
Mikologia
	himenio leuna
	kono-formako txapela
	gero arrautza-formakoa
	ez dauka orririk
	hanka biluzik dago
	espora kremak dauzka
	mikorrizak eratzen ditu

Karraspina arrunta, seta-erlauski edo tripa-ziza (Morchella esculenta edo Morchella vulgaris) karraspinen familiako onddo bat da. Munduan gehien ezagutzen den perretxikoetako bat da; Euskal Herrian, berriz, beste perretxiko batzuk ospe gehiago dute.^[1]

Deskribapena aldatu

Espezie honen perretxikoak belaki gris trinko baten itxura du hasieran, eta hazi ondoren, irtenune eta sakonune askoko gainazal irregularra duen belaki horixka baten eitea hartzen du. Txapel horren tamaina 2-7 zentimetrokoa da zabaleran eta 210 zentimetro luzeran.

Hanka luze zuria izan ohi du. Bere luzera 2-9 zentimetro ingurukoa da.

Ekologia aldatu

Udaberrian hazten da, askotan ibaiertzetan, lizarren edo zumaren alboan.^[2] Beste mota batzuetako basoetan, lorategietan eta, zenbaitetan, erre berri diren tokietan ere agertzen da.

Erabilerak aldatu

Perretxiko hau jangarria da, ongi egosten bada. Gordinik, toxikoa da.

Banaketa eremua aldatu

Ipar Amerika, Costa Rica, Ekuador, Peru, Txile, Europa, Errusia, Erdialdeko Asia, Himalaiako eremua, Japonia, Taiwan, Hego Korea, Australia, Zeelanda Berria, Hegoafrika.^[3]