Miren Zabaleta
Miren Zabaleta Telleria (Iruñea, 1981eko urriaren 26a) nafar politikaria da. Patxi Zabaleta politikariaren alaba da.
| Miren Zabaleta | |
|---|---|
 | |
| Bizitza | |
| Jaiotza | Iruñea, 1981eko urriaren 26a (42 urte) |
| Herrialdea |  Nafarroa Garaia, Euskal Herria |
| Familia | |
| Aita | Patxi Zabaleta |
| Hezkuntza | |
| Heziketa | Nafarroako Unibertsitate Publikoa : zuzenbide |
| Hizkuntzak | euskara gaztelania |
| Jarduerak | |
| Jarduerak | politikaria eta abokatua |
| Sinesmenak eta ideologia | |
| Alderdi politikoa | .svg){kind=small} Euskal Herria Bildu |
2006an Nafarroako Unibertsitate Publikoan Zuzenbidean lizentziatu zen, 2019an Giza Eskubideak eta Botere Publikoak Masterra burutu zuen EHUn eta emakumeen kontrako biolentziari eta bitartekaritza penalari lotutako adituaren titulua du. Halaber, filosofia graduari lotutako ikasketak burutu zituen.
Unibertsitate garaian Ikasle Abertzaleakeko bozeramailea izan zen. Iruñeko Abokatu Elkargoan kolegiatu dago 2007ko maiatzaren 28tik.
2009. urtean espetxera sartu zuten Bateragune auzia dela eta 6 urteko espetxealdia igaro zuen. 2015eko urriaren 11an atera zen Valladolideko espetxetik. 2018ko azaroaren 6an Europako Giza Eskubideen Epaitegiak epaiketa justua izan ez zela ebatzi zuen, bost kideak kondenatu zituen epaimahaiaren inpartzialtasunak Giza Eskubideen Europako Hitzarmena urratzen zuela iritzita. Europar epaitegiaren sententzia beteaz, 2019ko uztailaren 30an Espainiako Auzitegi Gorenak, dagoeneko osorik betea zuen zigorra anulatu zuen.
2016 eta 2018 bitartean Sortu alderdiaren Nafarroa Garaiko koordinatzaile eta bozeramailea aukeratu zuten,[1][2] 2019tik ama da eta udal txiki bateko Idazkari-Interbentore gisa lan egin du azken urteotan.
2021ko ekainetik EH Bildu Nafarroako arduradun politikoa da.[3]
Erreferentziak aldatu
- ↑ @MartxeloDiaz. (2017-03-25). «Sortu presenta su Consejo de Nafarroa para avanzar hacia la soberanía» www.naiz.eus (Noiz kontsultatua: 2020-04-22).
- ↑ «Sortu» Sortu.eus (Noiz kontsultatua: 2020-04-23).
- ↑ «EH Bilduko militantziak Nafarroako Koordinazio Talderako hautagaitza babestu du botoen %94ko baiezkoarekin» ehbildu.eus (Noiz kontsultatua: 2021-10-26).
Kanpo estekak aldatu
- Berriari eginiko elkarrizketa (2016-07-09)
Datuak: Q30224739
Multimedia: Miren Zabaleta / Q30224739
Aipu famatuak: Miren Zabaleta
