Michel Leiris
Michel Leiris (Paris, Frantzia, 1901eko apirilaren 20a - Saint-Hilaire, Frantzia, 1990eko irailaren 30a) frantsesezko idazlea eta etnologoa izan zen. 1924an mugimendu surrealistako kide egin eta Max Jacoben eraginpean Simulacre (Itxurak egin) lehen olerki-liburua argitaratu zuen. 1920ko hamarkadan idatzi eta 1946an argitaratutako Aurora bere eleberri bakarrean ere antzematen zaizkio surrealismoaren zantzuak. 1931n Afrikara joan zen etnologia-talde bateko idazkari gisa, eta urte batzuk geroago Antillak, Txina eta Kubara ere joan zen. Bidaia haien emaitzak dira, besteak beste, L´Afrique fantôme (1934, Afrika mamua) eta Cinq études d´ethnologie (1969, Bost etnologia ikerketa) saiakerak. Psikoanalisiak eraginda, L´âge d´homme (1939, Gizonaren adina) eta La reglè du jeu (Jokoaren araua) zikloa osatzen dute Biffures (1948, Ezabaketak), Fourbis (1955, Txikikeriak), Fibrilles (1966, Izpitxoak) eta Faible bruit (1976, Zarata ahula) liburuak idatzi zituen, autobiografiari tankera berri bat emanez. Aipagarriak dira, halaber, literaturgintza-zeremonietako errituekin parekatzen duten obrak: Le sacré dans la vie quotidienne (1938, Sakratutasuna eguneroko bizitzan) edota De la littérature considerée como une tauromachie (1964, Literatura tauromakiatzat hartua). Hil ondoren, Leirisen Journal (1992, Egunerokoa) argitaratu zen.
| Michel Leiris | |
|---|---|
 | |
| Bizitza | |
| Jaiotza | Parisko 16. barrutia, 1901eko apirilaren 20a |
| Herrialdea |  Frantzia |
| Lehen hizkuntza | frantsesa |
| Heriotza | Saint-Hilaire, 1990eko irailaren 30a (89 urte) |
| Hobiratze lekua | Père Lachaise hilerria |
| Heriotza modua | berezko heriotza: miokardio infartu akutua |
| Familia | |
| Ezkontidea(k) | Louise Leiris (en)  |
| Anai-arrebak | ikusi
|
| Familia | ikusi
|
| Hezkuntza | |
| Heziketa | Lycée Janson-de-Sailly (en) |
| Hizkuntzak | frantsesa |
| Ikaslea(k) | ikusi
|
| Jarduerak | |
| Jarduerak | antropologoa, idazlea, etnologoa, poeta, eguneroko-idazlea, etnografoa eta bildumagilea |
| Jasotako sariak | |
| Kidetza | College of 'Pataphysics (en) |
| Mugimendua | surrealismoa |
  | |
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q462591
Multimedia: Michel Leiris / Q462591
