Medikuntza eta Zientzia Historiaren Euskal Museoa

Medikuntza eta Zientzia Historiaren Euskal Museoa
Datuak
Mota	museoa eta erakundea
Herrialdea	Espainia
Jarduera
Honen parte	Euskal Herriko Unibertsitatea
Agintea
Jabea	Euskal Herriko Unibertsitatea
Historia
Sorrera	1982
	webgune ofiziala;

Medikuntza eta Zientzia Historiaren Euskal Museoa Jose Luis Gotik 1982. urtean eratu zuen. Euskal Herriko medikuntzaren memoria historikoa zaindu eta bere ondare zientifikoa gorde nahi izan ditu. Euskal Herriko Unibertsitatean (Leioako campusa) kokaturik dagoen Museoa, Medikuntza eta Odontologiako Fakultateko eta beste hainbat fakultate eta eskolako ikasleen prestakuntzarako baliagarria da. Egungo zuzendaria Anton Erkoreka Barrena doktorea da.

1.520 metro karratuko azalera du, 21 areto ditu eta 5.000 liburu inguru daude barruan. Museoko erakusketa iraunkorrak XIX eta XX. mendeko sei mila objektu mediku inguru ditu. Hauek 24 geletan banatzen dira eta espezialitate mediku desberdinetara eskainita daude: herritar medikuntza, medikuntza paraleloak, farmazia, pisuak eta neurriak, asepsia eta antisepsia, mikroskopioak, laborategiko materiala, X-izpiak, obstetrizia eta ginekologia, kirurgia, anestesia, endoskopia, odontologia, kardiologia, oftalmologia, elektroterapia, anatomia patologikoa, natur zientziak eta Cid Gela. Irakaskuntza eta ikerkuntza Museoko bi zutabe dira, eta bi hauek argitalpenekin eta hitzaldi, ikasketa eta beste jardueren antolakuntzarekin osatzen dira.