Maritxu, nora zoaz?

Maritxu, nora zoaz?
Jatorria
Ezaugarriak
Genero artistikoa	herri-musika eta Zortziko txikia
Hizkuntza	euskara
Tonoa	Sol maior

Maritxu, nora zoaz? euskal abesti herrikoi bat da. Mariya, nora zoaz? izenez dator testu zaharrenetan, eta Maria nora zoaz izena ere erabili izan da.^[1]

Oso bertso ezaguna da. Bertsolaritzan oso sarritan erabiltzen da. Bertsolaritzaren Datu-Basean bat-bateko saioetako grabazioetan 20tik gora erreferentzia agertzen dira.^[2]

Doinua zortziko txikiko bertsokeraren ohiko adibidea izaten da, eta Bertsozale Elkartearen datu basean jasota dago, noski.

Partitura eta audioa aldatu

Honela hasten da abestia:^[3]

Hitzak aldatu

Abestia bi pertsonaren arteko elkarrizketa da: lehenik, Bartolo mintzo da; gero, Maritxu.

Abestiaren jatorrizko bertsioak lau ahapaldi ditu,^[4] baina lehena da kantatuena eta ezagunena:

«

—Maritxu, nora zoaz
eder galantori?
—Iturrira, Bartolo,
nahi badezu etorri.
—Iturrian zer dago?
—Ardotxo txuria.
—Biok edango degu
nahi degun guztia.

—Maritxu zuregana
biltzen naizenean,
poza sentitutzen det
nere barrenean.
—Bartolo, nik ere det
atsegin hartutzen,
ur bila noanean
banazu laguntzen.

—Maritxu, lagunduko
dizut gaur mendira,
ur fresko eder bila
hango iturrira.
—Iturri eder hortan
dagon ur garbiak,
Bartolo, alaituko
dizkizu begiak.

—Maritxu, pentsatutzen
badezu ezkontzea,
lehendabiziko nitaz
oroitu zaitea.
—Zure mende jartzen naiz
denbora guziko.
—Bartolorekin gaizki
ez zera biziko.

»

Maritxu, nora zoaz?

Bertsioak aldatu

Abestiaren hainbat bertsio daude. Jatorrizkotzat bildu zen bertsioaz beste, ezagunenetako bat Drindots musika taldearena da, 1990eko hamarkadan moldatua, oinarritzat hartuta alde batetik jatorrizko bertsioa, eta bestetik Lou Reeden eta Velvet Underground musika taldearen Sweet Jane ("Jane goxoa") abestiaren doinua.

Zabalkundea izan duen beste bertsio bat Urkorena da.^[5]

Zortziko txikia aldatu

Zortziko txikiko neurria duten beste bertso asko eta asko zuzen zuzenean kanta daitezke Maritxu nora zoaz doinuarekin, euskarazkoak eta nazioartekoak ere bai. Esate baterako, hauek:

Erreferentziak aldatu

↑ Elkartea, Xenpelar Dokumentazio Zentroa-Bertsozale. «Maritxu nora zoaz I» Doinutegia (Bertsolaritzaren Datu-basea) (Noiz kontsultatua: 2021-02-26).
↑ Xenpelar Dokumentazio Zentroa-Bertsozale Elkartea. «Maritxu nora zoaz. Bat-bateko saioen grabazioak.» bdb.bertsozale.eus (Bertsoa - BDB. Bertsolaritzaren datu-basea) (Noiz kontsultatua: 2022-01-28).
↑ Elkartea, Xenpelar Dokumentazio Zentroa-Bertsozale. «Maritxu nora zoaz I - Doinutegia - BDB. Bertsolaritzaren datu-basea» bdb.bertsozale.eus (Noiz kontsultatua: 2022-01-26).
↑ «Maritxu, nora zoaz?» Euskal Kantutegia (Eusko Ikaskuntza) (Noiz kontsultatua: 2021-02-26).
↑ «Maritxu nora zoaz» www.badok.eus (Noiz kontsultatua: 2022-01-28).

Kanpo estekak aldatu

Maritxu nora zoaz? abestiaren bertsio klasikoa, Youtube webgunean.
Drindots musika taldearen Maritxu nora zoaz? abestiaren bertsioa, Youtube webgunean.

Datuak: Q11210327

[1] Elkartea, Xenpelar Dokumentazio Zentroa-Bertsozale. «Maritxu nora zoaz I» Doinutegia (Bertsolaritzaren Datu-basea) (Noiz kontsultatua: 2021-02-26).

[2] Xenpelar Dokumentazio Zentroa-Bertsozale Elkartea. «Maritxu nora zoaz. Bat-bateko saioen grabazioak.» bdb.bertsozale.eus (Bertsoa - BDB. Bertsolaritzaren datu-basea) (Noiz kontsultatua: 2022-01-28).

[3] Elkartea, Xenpelar Dokumentazio Zentroa-Bertsozale. «Maritxu nora zoaz I - Doinutegia - BDB. Bertsolaritzaren datu-basea» bdb.bertsozale.eus (Noiz kontsultatua: 2022-01-26).

[4] «Maritxu, nora zoaz?» Euskal Kantutegia (Eusko Ikaskuntza) (Noiz kontsultatua: 2021-02-26).

[5] «Maritxu nora zoaz» www.badok.eus (Noiz kontsultatua: 2022-01-28).

[1]

[2]

[3]

[4]

[5]