Maku eskualdea
Maku eskualdea ( persieraz: شهرستان ماکو) Irango Mendebaldeko Azerbaijan probintziak dituen 17 eskualde edo xahrestān-etako bat. Herrialdeko ipar mendebaldeko muturrean kokatuta, Armenia, Azerbaijan eta Turkiako mugan dago. Hiriburua Maku da.[1]
Maku eskualdea | |
---|---|
Mendebaldeko Azerbaijan probintziako eskualdea | |
Administrazioa | |
Estatua | Iran |
Geografia | |
Koordenatuak | 39°17′45″N 44°30′48″E / 39.2958°N 44.5132°E |
Demografia | |
Biztanleria | 94.751 biztanle |
Bestelako informazioa | |
Telefono aurrizkia |
|
Maku eskualdeak mugakide ditu Nakhitxevan Azerbaijan Errepublika Autonomoko Xarur eta Sadarak eskualdeak ekialdean, eta Turkia Errepublikako Igdir eta Agri probintziak iparraldean eta mendebaldean, hurrenez hurren.
Biztanleria aldatu
2006ko erroldaren arabera, eskualdean ( Poldaxt eta Xowt eskualde berriak osatze aldera banandutako lurraldeak barne) 174.578 biztanle ziren 39.765 familiatan; eskualde berrietakoak kenduta, 84.516 biztanle ziren 19.238 familiatan. [2]
Biztanle gehienak azeriar-turkiarrak dira eta azerbaijaneraz hitz egiten dute, hizkuntza ofiziala persiera den arren. Kurdu gutxi omen dago eskualde honetan.[3]
Administrazioa aldatu
Maku xahrestān-a bi barrutitan (bakhx) banatzen da, bakoitzak bere hiriburua duela. [4] Ondoko taula honetan 2006ko datuak ditugu: [5]
Barrutiak | Populazioa | Hiriburua | Populazioa |
---|---|---|---|
Erdialdekoa | 64.174 | Maku | 41.865 |
Bazargan | 20.342 | Bazargan | 9.047 |
Hirietatik aparte, 14 herri daude, 800 eta 4.000 biztanle artekoak.
Klima aldatu
Tokiko estepako klima du. Urtean zehar ez du euri handirik botatzen. Köppen-Geiger klima-sailkapenaren arabera, BS klima du Makuk. Bataz besteko tenperatura 10.6ºkoa da, eta batez besteko euri kopurua 295 mm.[6]
Erreferentziak aldatu
- ↑ «Mākū (County, Iran) - Population Statistics, Charts, Map and Location» www.citypopulation.de (Noiz kontsultatua: 2019-07-09).
- ↑ «Census of the Islamic Republic of Iran, 1385 (2006)» (Excel) Islamic Republic of Iran.
- ↑ «Ulduz turismo-agentziaren webgunea» www.ulduztourism.com (Noiz kontsultatua: 2019-07-10).
- ↑ «Iranian National Committee for Standardization of Geographical Names website» Persieraz.
- ↑ «World Gazetteer: Mākū - profile of geographical entity including name…» archive.is 2013-04-28 (Noiz kontsultatua: 2019-07-10).
- ↑ Climate data.org. .
- ارلس گیتاشناسی استانهای ایران [Atlas Gitashenasi Ostanhai Iran] ( Irango Probintzien Gitashenasi Atlasa )
- Encyclopædia Iranica: BĀZARGĀN