Mainland (Shetlandak)

Mainland uhartea (ingelesez: Mainland, Eskoziako gaeleraz: Mòr-thìr, antzinako eskandinavieraz: Megenland, Hrossey) Shetlandak uhartediko uharte handiena da, eta Eskoziako hirugarrena. 2013ko erroldaren arabera 18.765 biztanle ditu (Eskoziako uharteetan bigarrena) eta uhartediko hiriburua den Lerwick bertan dago.

Mainland uhartea (Shetlandak)
Bertako izena	Mainland Mòr-thìr Megenland
Geografia
Kokapena	Eskoziako ipar-ekialdean.
Uhartedia	Shetlandak
Azalera	968,79 km²
Punturik garaiena	Ronas Hill
Politika
Herrialdea	Shetlandak, Eskozia Erresuma Batua
Gizartea
Biztanleria	18.765 biz. (2013)
Talde etnikoak	Eskoziarrak.

Etimologia

Norvegiarrek Megenland (gerora Mainland bihurtu dena) izena ezarri zioten, "lurralde nagusia" esan nahi du.

Geografia

Uhartea lau eremutan bereizi ohi da:

• Hegoaldea: Lerwick hiriburua eta handik hegoaldera luzatzen den penintsula hartzen du. Eremu idorrak eta nekazal eremuak nahasturik ditu. Eremu arkeologiko ugari daude bertan.
• Erdialdea: Nekazal eremu zabalagoa eta basoak ere baditu.
• Mendebaldea
• Iparraldea: Northmavine penintsula hartzen du. Eremu idorra da eta kostaldean itsaslabarrak ditu.

Klima

Datu klimatikoak (Lerwick, 82 m., 1981-2010, muturrekoak 1922-)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	11.7	11.7	13.3	16.1	20.7	23.3	23.4	21.5	19.4	17.2	13.9	12.2	23.4
Batez besteko tenperatura maximoa (°C)	5.9	5.5	6.4	8.1	10.4	12.4	14.3	14.5	12.8	10.2	7.8	6.3	9.6
Batez besteko tenperatura (ºC)	3.9	3.5	4.2	5.8	7.9	10.1	12.1	12.4	10.8	8.3	5.9	4.3	7.4
Batez besteko tenperatura minimoa (°C)	1.8	1.5	2.0	3.5	5.4	7.7	9.9	10.2	8.7	6.4	3.9	2.2	5.3
Erregistraturiko tenperatura minimoa (°C)	−8.9	−7.3	−8.3	−5.7	−2.8	-0.6	3.3	1.7	-0.6	-3.3	−5.7	−8.3	−8.9
Euria (mm)	142.6	120.8	124.6	70.4	53.4	58.2	66.8	83.7	106.3	141.5	146.0	142.6	1256.8
Euri egunak (≥ 1.0 mm)	21.6	18.5	19.9	14.1	10.8	11.0	12.1	12.9	16.7	20.8	21.4	21.8	201.6
Eguzki orduak	27.2	55.2	94.1	131.8	181.0	146.2	124.4	127.9	101.3	68.8	33.8	18.1	1109.8
Iturria (1): MetOffice,
Iturria (2): Shetland Govt,

Historia

Indusketa arkeologikoek erakutsi dute K.a. 1000. urtean jadanik populatua bazela uharte hau. Burdin Aroko hainbat gotorleku (broch) aurkitu dira, bereziki hegoaldean. VIII. eta XIX. mendeetan bikingoek kolonizatu zuten eta XV. mendean eskoziarren esku gelditu zen.

Hurrengo mendeetan itsasbideetako toki estrategikoa bilakatu zen eta arrantzak ere jarduera ekonomikoa nabarmen sustatu zuen. Horretarako gotorleku berriak eraiki ziren.

1970eko hamarkadan petrolio erreserba handiak aurkitu ziren uretan eta honek garrantzia estrategikoa handiagotu du.

Ondasun nabarmenak

• 
  Lerwick.
• 
  Charlotte gotorlekua (Lerwick).
• 
  Scallowayko gaztelua.
• 
  Jarlshof.
• 
  Ness of Burgi gotorlekua.
• 
  Clickimin Broch.
• 
  Mousako brocha
• 
  Stanydale Temple.
• 
  Ronas Hill mendia (450 m).
• 
  Lunnastingeko harria.
• 
  Iparraldeko itsaslabarrak.
• 
  North Roeko hezeguneak.
• 
  Shetland Museum.

Kanpo estekak

• Datuak: Q738734
• Multimedia: Shetland Mainland / Q738734