Leonardo Cremonini

Leonardo Cremonini (Bolonia, 1925eko azaroaren 26a - Paris, 2010eko apirilaren 12a) italiar pintorea izan zen.

Leonardo Cremonini
Irudi gehiago
Bizitza
Jaiotza	Bolonia, 1925eko azaroaren 26a
Herrialdea	Italia Italiako Erresuma  (1925eko azaroaren 26a -  1946ko ekainaren 18a) Italia  (1946ko ekainaren 18a -  2010eko apirilaren 12a)
Heriotza	Paris, 2010eko apirilaren 12a (84 urte)
Hezkuntza
Heziketa	Brera Academy (en)
Hizkuntzak	italiera
Jarduerak
Jarduerak	margolaria, marrazkilaria, argazkilaria eta artista bisuala
Lantokia(k)	Florentzia eta Bordele
Enplegatzailea(k)	Arte Ederren Goi Eskola Nazionala
Lan nabarmenak	ikusi Dialoghi di una festa (en)
Jasotako sariak	ikusi Arte eta letren komendadorea  (1993ko otsailaren 19a)
Kidetza	Accademia di San Luca

Gazte-gaztetandik izan zuen pinturarako zaletasuna. Boloniako Arte Ederretako Eskolan egin zituen ikasketak, Guglielmo Pizziranirekin. Ondoren, Milango Brera Akademian aritu zen, Venturoli sariari esker (1945-1950). 1951n, Parisa joan zen, eta berehala lortu zuen ospea nazioartean. New Yorken erakusketak eskaini zituen Catherine Viviano galerian 1952, 1954, 1957 eta 1962an. Cremoninik, dena dela, aurre egin zion arte abstraktuaren modari, eta gerra ondorengo pintura figuratiboaren aitzindaritzat hartzen da. 1983tik 1991ra, pintura-lantegi bat zuzendu zuen Parisko Arte Ederretako Eskolan. Lehenengo lanetan, giza gorputzak eta animaliak elkarri lotzen dira, arkitektura handi eta tragikoa osatuz: Jolasean ari diren umeak (1955-1956), Karrusela, gaua (1956-1957), Gizona eta piztia (1957-1958), Gizona eta zaldia (1958-1959). Geroagoko lanetan, ordea, paisaia poetikoak obsesio bihurtu ziren: Ibilaldia Belvédèren (1960-1961). Cremoninik surrealismoa, errealismoa eta arte abstraktua bateratzen zituen, teknikaren, gaien eta irudien bidez.

Erreferentziak

• Datuak: Q982526
• Multimedia: Leonardo Cremonini / Q982526