Laura Garrido
Laura Garrido Knörr (Gasteiz, 1970eko abenduaren 25a - ) VIII. eta IX. legegintzaldietako PPko eusko legebiltzarkidea da. Zuzenbidean lizentziatua dago eta Herri Administrazioetako Masterra (HAEE) du eta Zientzia Politikoetako ikasketak ere burutu ditu. Alderdi Popularreko euskaldun bakarrenetakoa da.
.svg){kind=small}
Biografia aldatu
Laura Garrido Gasteizen jaio zen 1970eko abenduaren 25ean. Gasteizko Olabide Ikastolan ikasi zuen. Euskal Herriko Unibertsitatean Zuzenbidean lizentziatu zen eta Herri Arduralaritzaren Euskal Erakundean (IVAP-HAEE) Administrazio Publikoetan espezialista eta Zientzia Politikoetako ikasketak egin ditu.
Alderdi Popularreko (PP)1 kidea da eta Barrundiko eta Lizartzako zinegotzia izan zen. 1999tik Arabako Batzar Nagusietako prokuradorea izan da, eta 2003an Arabako foru-ganbera horretan mahaiko lehen lehendakariorde bihurtu zen.
Laura Garrido Eusko Legebiltzarreko kidea da 2006. urtetik aurrera.[1][2]
Lan eta Gizarte Gaietako idazkaria izan zen, eta Alderdi Popularraren Arabako zuzendaritza-batzordearen bozeramailea.[3] Gaur egun, Alderdi Popularraren exekutiba nazionaleko kide da.
Arantza Quirogarekin batera, Laura Garrido euskara dakien eta hitz egiten duen alderdiko pertsonetako bat da.[4] Eta bera izan da ETB1eko hauteskunde-eztabaidetan edo euskaraz egindako tertulietan eta elkarrizketetan, gehienetan ordezkatzen du bere alderdia.[5][6][7]
2020ko urriaren 7an Euskal Herriko Alderdi Popularreko idazkari nagusi hautatu zuten, eta EAEko 2024ko hauteskundeetan bera izan zen Alderdi Popularraren lehendakarigaia.[5]
Kargu politikoak aldatu
- Eusko legebiltzarkidea, VIII. eta IX. legegintzaldietan.
- Barrundiako zinegotzia (1999-2007).
- Lizartzako zinegotzia (2007-2011).
- Arabako Batzar Orokorretako lehendakariorde lehena (2003-3007).
Erreferentziak aldatu
- ↑ «Garrido Knörr, Laura - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2024-04-10).
- ↑ (Gaztelaniaz) IPARRAGUIRRE |, ANTTON. (2010-02-07). ««Algún día habrá una mujer lehendakari»» El Diario Vasco (Noiz kontsultatua: 2024-04-10).
- ↑ (Gaztelaniaz) Laura Garrido. 2024-01-03 (Noiz kontsultatua: 2024-04-10).
- ↑ «De la ikastola a edil en Barrundia». www.elcorreo.com. 10 de julio de 2008.
- ↑ a b «Hauteskunderik lehiatuenen lehen debate handia, gaur, ETB1en, Euskadi Irratian eta eitb.eus-en» EITB 2024-04-10 (Noiz kontsultatua: 2024-04-10).
- ↑ «Entrevista a Laura Garrido, esta noche, en 'Ahoz Aho +'». eitb.eus. 26 de septiembre de 2017.
- ↑ Berria. «Berria.eus» A20 Espainiako Gorteetarako hauteskundeak (Noiz kontsultatua: 2024-04-10).
Kanpo loturak aldatu
|
Artikulu hau biografia baten zirriborroa da. Wikipedia lagun dezakezu edukia osatuz. |
Datuak: Q12262017
Multimedia: Laura Garrido / Q12262017
