Jules Massenet
Jules Émile Frédéric Massenet (Montaud, Saint-Étienne inguruan, 1842ko maiatzaren 12a - Paris, 1912ko abuztuaren 13a) frantses musikagilea izan zen. Bere belaunaldiko frantses opera-egile nagusia. A. Thomasen ikasle izan zen Parisko Kontserbatorioan, eta 1878-1896 urteetan hango Konposizio irakasle. G. Charpentier, Koechlin, Leroux eta Enescu, besteak beste, ikasle izan zituen. Manon (1884), Prévost-en lanean oinarritua, Werther (1892) eta Thaïs (1894) operekin bere maisutasuna erakutsi zuen; arrakasta handia izan zuen. Masseneten musika-lanetan lirismoa da nagusi, sentsualitatea eta antzerkirako gaitasun bikaina. Musika intzidentala, balletak, kantatak, orkestrarako lanak eta kantu ugari ere idatzi zuen.
Erreferentziak aldatu
Wikimedia Commonsen badira fitxategi gehiago, gai hau dutenak: Jules Massenet |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.