Jose Iturriaga
Jose Iturriaga Agirre (Azpeitia, Gipuzkoa, 1699ko abendua - Pampatar, Nueva Esparta, Venezuela, 1767ko irailaren 14a) gudaria, itsasgizona, administratzailea eta politikaria izan zen. Bere jaioterri Azpeitiko alkatea eta Gipuzkoako Aldundiko zinegotzia (1727) izan zen. Itsasontzi baten kapitaina izan eta gero, itsas gudarostearen buruzagia bihurtu zen. Espainiako Inperioaren defentsan, Kubara eta Venezuelara bidali zuten bost gerra-itsasontziren buruzagi, Britainiar Inperioaren kontra ingelesei aurre egiteko (1740).
| Jose Iturriaga | |
|---|---|
| Bizitza | |
| Jaiotza | Azpeitia, 1699ko abenduaren 23a |
| Herrialdea |  Gipuzkoa, Euskal Herria |
| Heriotza | Pampatar (en)  , 1767ko irailaren 14a (67 urte) |
| Hezkuntza | |
| Hizkuntzak | gaztelania euskara |
| Jarduerak | |
| Jarduerak | marinela, politikaria, merkataria, esploratzailea eta itsas ofiziala |
Geroago, Venezuelara bidali zuten, Caracasko Gipuzkoar Konpainiako lehen zuzendari gisa.
Gerra ostean Espainiak eta Portugalek Ameriketan zituzten kolonietako mugak aztertu zituen batzordeko kidea izan zen (1750-1761). Orinoko ibaia arakatu eta lurraldearen mapak egiteko espedizioa antolatu zuen (1754); Orinoko eta Río Negro inguruan hainbat herri sortu eta ikerketa eta azterketa biologiko, geografiko eta topografikoak egin zituen. Quitoko lehendakaritzari uko egin eta Orinokoko komandante nagusi egin zuten (1762-1767).
Datuak: Q3534489
