Joan Hernández Pijuan
Joan Hernández Pijuan (Bartzelona, 1931 otsailaren 15a - 2005eko abenduaren 28a), Kataluniako margolari eta grabatzailea izan zen . Llotja eskolan, Bartzelonako Arte eta Ofizioetako eskolan, ikasi zuen, eta baita Bartzelonako Arte Ederretako eskolan ere, 1952-1956 urte-bitartean.
| Joan Hernández Pijuan | |
|---|---|
| Bizitza | |
| Jaiotza | Bartzelona, 1931ko otsailaren 15a |
| Herrialdea |  Espainia |
| Heriotza | Bartzelona, 2005eko abenduaren 28a (74 urte) |
| Hezkuntza | |
| Heziketa | Escola de la Llotja (en)  Reial Acadèmia Catalana de Belles Arts de Sant Jordi (en) Arte Ederren Goi Eskola Nazionala |
| Hizkuntzak | gaztelania katalana |
| Jarduerak | |
| Jarduerak | margolaria, unibertsitateko irakaslea, grabatzailea eta artista grafikoa |
| Enplegatzailea(k) | Reial Acadèmia Catalana de Belles Arts de Sant Jordi (en) Bartzelonako Unibertsitatea |
| Jasotako sariak | ikusi
|
| Kidetza | San Fernandoko Arte Ederren Errege Akademia |
| hernandezpijuan.org | |
  | |
.svg){kind=small}
Lehen obrak abangoardia espresionistaren bidetik egin zituen, eta mugimendu horri jarraituz, Sílex izeneko taldea sortu zuen Carles Planellekin, E. Alcoyrekin, eta Josep Maria Rovirarekin batera. 1957an, Parisera joan zen, eta hango Arte Ederretako eskolan grabatua eta litografia ikasi zituen. 1960ko hamarraldiaren erdialdera figurazio geometrikorantz garatu zuen bere artea. Horren adibide garbia da Homenatge a Luca Pacioli (1965, Luca Pacioliri omenaldia) lana. Harrezkero, bere obretan soiltasunerako bidea hartu zuen etengabe. Zenbait adituk Mondrianen lanekin konparatu izan dituzte haren lanak, Mediterraneoko argitasunaren eta alemaniar-austriar soiltasunaren artekoak baitira. Lan monokromatiko ugari egin zituen, Memòria de la Segarra (1991, Segarrako oroitzapena) kasu, baina ez dira halere minimalistak.
1989an, Bartzelonako Unibertsitateko Arte Ederretako Fakultatean margolaritzako katedratiko postua hartu zuen, eta 1992an dekano izendatu zuten fakultate horretan bertan. 1997tik aurrera Arte Ederretako akademiko izan zen.
Haren margolanak munduko hainbat hiritako museotan ikus daitezke; besteak beste, Zurichen, Hanburgon, Londresen, New Yorken eta Buenos Airesen.
Gainera, bere ibilbidean zehar sari asko jasotakoa da; azkena jasotakoa aipatzearren, 2004an, Arte Grafikoaren Sari Nazionala.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q1455806
