Jassir Arafat

Bakearen Nobel Saria jaso zuen lider abertzale palestinarra (1929–2004)

Mohammed Jassir Abdel Rahman Abdel Raouf Arafat al-Qudwa (arabieraz: محمد ياسر عبد الرحمن عبد الرؤوف عرفات‎), ezagunagoa Jassir Arafat izenaz[1] (arabieraz: ياسر عرفات‎ , Yāsir `Arafāt, Jaser edo Jasser idazten da batzuetan) eta Palestinan Abu Ammar (1929ko abuztuaren 24a - 2004 azaroaren 11) politikari palestinarra izan zen. Israelen kontrako ekintza armatuak egin zituen, geroago Palestinako Aginte Nazionaleko burua izatera iritsi zen. Bakea lortzeko egindako saiakerengatik, Isaac Rabin eta Shimon Peresekin batera Bakearen Nobel saria lortu zuen 1994an.

Jassir Arafat

Palestinian Authority Government of 1996 (en) Itzuli Q117225148 Itzuli

1996ko maiatzaren 16a - 1998ko abuztuaren 9a
Q89826759 Itzuli - Q25454025 Itzuli

Palestinar Aginte Nazionaleko presidente

1994ko uztailaren 5a - 2004ko azaroaren 11 - Rawhi Fattouh (en) Itzuli
1. Palestinako Estatuko Presidentea

1989ko apirilaren 2a - 2004ko azaroaren 11
← baliorik ez - Mahmoud Abbas
Chairman of the Palestine Liberation Organization (en) Itzuli

1969ko otsailaren 4a - 2004ko urriaren 29a
Yahya Hammuda (en) Itzuli - Mahmoud Abbas
Bizitza
Jaiotzako izen-deiturakمحمد ياسر عبد الرحمن عبد الرؤوف عرفات
JaiotzaKairo1929ko abuztuaren 4a
Herrialdea Palestina
BizilekuaMughrabi Quarter (en) Itzuli
Talde etnikoaArabiarra
Lehen hizkuntzaarabiera
HeriotzaHôpital d'instruction des armées Percy (en) Itzuli eta Clamart2004ko azaroaren 11 (75 urte)
Hobiratze lekuaMukata
Heriotza modua: garuneko odoljarioa
autoimmune thrombocytopenic purpura (en) Itzuli
Familia
Ezkontidea(k)Suha Arafat (en) Itzuli  (1990eko uztailaren 17a -  2004ko azaroaren 11)
Anai-arrebak
Hezkuntza
HeziketaKairoko Unibertsitatea
(1944 - 1950) gradu : Herri-lan ingeniaritza
Hizkuntzakarabiera
ingelesa
Jarduerak
Jarduerakpolitikaria eta ingeniari zibila
Jasotako sariak
Zerbitzu militarra
Graduakomandante buru
Parte hartutako gatazkak1948ko Arabiar-israeldar Gerra
Sinesmenak eta ideologia
Erlijioasunismoa
Alderdi politikoa Al-Fatah

IMDB: nm0032715 Allocine: 35221 Allmovie: p349356
Discogs: 3555439 Find a Grave: 9747634 Edit the value on Wikidata

1969an Palestinaren Askapenerako Erakundea sortu zuen, baita bertako talde garrantzitsuena izan zen Al Fatah alderdia ere. 1993an Osloko Hitzarmena sinatu zuen Israelekin, eta hortik sortu zen Palestinako Aginte Nazionaleko buru izan zen 1996tik bere heriotza eguneraino. Nazioarteko pertsonaiarik ezagunenetarikoa izan zen XX. mendearen bigarren erdian; askorentzat bere herriaren askatasun ikur eta gidari izan zen, baina beste askok terrorista odolzaletzat zuten. Arabiarren artean joera gogorrenekoek Israelen aurrean izandako balizko malgutasun gehiegia salatu zioten. Horrez gain, bere agintaldiko azken urteetan argi geratu zen Aginte Nazionalaren inguruan zegoen ustelkeria maila handia.

Jatorria aldatu

Oihal saltzaile famatu baten semea izan zen. Berak zioenez, Jerusalemen jaio zen 1929ko abuztuaren 4an, baina argitara atera den jaiotze agiri baten arabera, baliteke Arafat Kairon edo Gazan jaio izana, abuztuaren 24an.

Kairoko unibertsitatean ingeniaritza ikasi omen zuen. 1956-1965 bitartean Kuwait eta Egipton lan egin zuen. Suezko krisian parte hartu zuen Frantzia eta Erresuma Batuaren aurka. Ondoren ejertzitoan sartu zen eta etxegintzako enpresario izan zen.

Talde palestinarrak aldatu

Bigarren Mundu Gerraren amaieran Palestinako arabiarren mugimenduan sartu zen, Britainia Handiaren mandatuan estatu arabiarra sortzeko asmoz. Horrek sionismoaren aurka jarri zuen erabat. 1969an Al-Fatah eta Palestinaren Askapenerako Erakundea gidatzera iritsi zen. Bere helburua Israelen aurka borrokatzea zen beraien lurraldean ekintza terroristak eginez, baita gainerako estatu arabiarren nahi anexionistei aurre egitea ere.

Mendebaldeko herriek gaitzetsi egin ohi zuten gehienetan, terrorismoarekin zuen lotura zuzena zela eta. Hala ere, momentu batzuetan bakezaletasunaren ikur ere bihurtu zen, besteak beste Nazio Batuen Erakundearen aurrean egin zuen hitzaldi famatuaren ondoren.

Tunisia aldatu

1982an Israelek Libano hegoaldea erasotu zuen, bertan zeuden talde palestinarren borroka gunean deusezteko. Orduan Tunisian erbesteratu behar izan zen, PAEko buruzagi eta borrokalari gehienekin batera. 1988an Gaza, Zisjordania eta Jerusalem ekialdean Intifada deituriko altxamendua burutu zuten bertako ekintzaile palestinarrek.

Arafatek mugimendu hori gidatu nahi izan zuen, eta sinbolikoki Palestinako estatua aldarrikatu zuen. 60 herrialdek baino gehiagok onartu zuten estatu hori, nahiz eta nazioarteko aldaketa berriek (SESBen porrota, Golkoko Gerra...) taktika berriak eskatzen zituzten: Israelekin bake akordiora heltzea.

Israelekin bakea aldatu

 
Yitzhak Rabin, Bill Clinton eta Arafat Osloko hitzarmenaren garaian (1993ko irailaren 13an

AEBren ekinbidez bake prozesu bat abian jarri zen Israel eta Palestinaren arteko bakea lortzeko. Washingtoneko Camp Daviden egin ziren akordio horien ondorioz, Arafat Palestinara itzuli zen, Palestinako Aginte Nazionala gidatzeko (hasieran Gaza eta Jerikon zeukan aginpidea soilik).

Akordioak zailtasun eta atzerapen ugari izan zuen, bereziki gai korapilatsuak zirela eta (Jerusalemen egoera, errefuxiatu palestinarrak...). Horiek, eta alde biek beraien baitan zeuzkaten muturreko taldeek prozesua pikutara eraman zuten.

Palestinako lehendakari aldatu

1996an egindako hauteskundeetan botoen % 87 lortuta, Aginte Nazionaleko buruzagitzara iritsi zen. 2001tik aurrera, Ramalako egoitzan itxita egon zen, Israelgo armadaren erasoaren mehatxuei aurre eginez. Horrek nazioartean haren irudia indartzeko balio izan zuen (erresistentzia baketsua bultzatzen zuela aditzera emanez) eta ezkutatu egin zuen nolabait 2000ko Intifada lehertzean izan zuen erantzukizuna.

Heriotza aldatu

2004an gaixorik eta azkenetan zela, Frantziara eraman zuten, bere emazte eta alaba bakarra erbesteratuta zeuden lekura. Paris ondoko Clamart ospitale militarrean sartu zuten urriaren 29an, eta azaroaren 3an koman erori zen.

Azaroaren 11 goizaldean hil zen. Zurrumurru batzuen arabera, Arafat HIESak jota hil zen.[2] Horrez gainera, bera hildakoan bere ustezko homosexualitatearen gaineko esamesak hedatu ziren. Edonola ere, kausa ezezaguna da baina onartuena pozoia izan zen.[3]

Erreferentziak aldatu

Kanpo estekak aldatu