Jan Janssen

Jan Janssen (Nootdorp, Hego Holanda, 1940ko maiatzaren 19a) txirrindulari ohi herbeheretarra da, bere herrialdeko inoizko hoberenetarikoa. Izan ere, Frantziako Tourra 1968an, Espainiako Vuelta 1967an eta Munduko errepideko txapelketa 1964an irabazi zituen. Profesionala izan zen 1962. eta 1972. urteen artean, 57 garaipenak lorturik.

Jan Janssen
Irudi gehiago
Bizitza
Jaiotza	Pijnacker-Nootdorp, 1940ko maiatzaren 19a (83 urte)
Herrialdea	Herbehereetako Erresuma
Jarduerak
Jarduerak	txirrindularia eta pistako txirrindularia
Ibilbidea
Taldeak	Urteak
Pelforth-Sauvage-Lejeune	1962-1968
Bic	1969-1971
Flandria	1972-1972
Parte-hartzailea Espainiako Vuelta Frantziako Tourra 1960ko Udako Olinpiar Jokoak 1964 Super Prestige Pernod (en) (2.) 1966 Super Prestige Pernod (en) (4.) 1967 Super Prestige Pernod (en) (1.) 1968 Super Prestige Pernod (en) (4.)
Pisua	76 kilogramo
Altuera	174 zentimetro
Jasotako sariak	ikusi Dutch cyclist of the year

Jan Janssen 1968an.

Biografia

Janssenek, umetan futbolean jardun nahi izan zuen, baina miopia eta betaurrekoak zeramatzala eta, espezialitatez aldatu eta txirrindularitzari ekitea erabaki zuen. Herbehereetako amateur mailako lasterketetan, jada garaipen eta ohorezko postu ugari lortu zituen.

1962ko Etorkizuneko Tourrean 3. amaitu ondoren, profesionaletara pasatu zen eta bere lehenbiziko garaipena lortu zuen Züricheko txapelketan.

Txirrindulari azkarra zen esprintean, Frantziako Tourrean puntukako sailkapenean lortutako hiru garaipenek eta Espainiako Vueltan lortutako biek erakusten dutenez. Hala ere, eskalatzaile petoa izan gabe ere, eroso zihoan errepidea maldan gora zihoala.

Bere itxura nahasezinak, txirrindulari bezala zuen ospea sendotzen lagundu zuen, tropelean erraz ezagutzeko modukoa egiten zuena: bere betaurreko ilunak eta ile horia atzerantz orraztuta.

1963an podiumera igo zen Paris-Roubaix, Fleche Wallone eta Munduko Txapelketa bezalako goi-mailako probetan, eta Frantziako Tourrean bi etapa irabazita utzi zuen.

1964an lortu zuen bere lehen garaipen handia, Munduko errepideko txapelketa irabazi baitzuen. Urte horretako Tourrean, bi etapaz eta puntukako sailkapenaz gain, 24. postuan geratu zen. Hurrengo urteetan 9., 2., eta 5. izan zen, eta, azkenik, 1968ko Tourra irabazi zuen.

Bitartean, 1967an, Espainiako Vueltan gailendu zen.

Erretiratu ondoren, bizikletak eta txirrindularitzarako materiala merkaturatzeko negozioa zabaldu zuen, gaur egun bere bi semeak diren Janek eta Pierrek zuzentzen dutena.

1968ko Tourreko garaipena

Tourraren edizio hau, ordura arteko parekatuena izan zen, Janssen azken etapan nagusitzea lortu zuelarik (Parisen jokatutako erlojupeko bat). Ordura arte lasterketako liderra zen Herman Van Springel belgikarrari ateratako 38 segundoko alde estuarekin. Honako hau izan zen Tourreko lehen aldia, non proba irabazi zuenak, elastiko horia, lasterketa amaitu ondoren soilik jantzi zuen.

Garaipen honekin, Frantziako Tourra irabazi zuen lehen herbeheretarra izan zen.

Palmaresa

1960 Overijsseleko Tourra Ronde van Midden-Nederland 1961 Etorkizuneko Tourreko etapa 1 Limburgoko Tourra 1962 3. Etorkizuneko Tourrean eta 3 etapa Züricheko txapelketa 3. Olympia's Tourrean 1963 Midi Libreko 2 etapa Frantziako Tourreko etapa 1 3. Paris-Roubaixen 1964 Munduko errepideko txapelketa Paris-Niza Frantziako Tourreko Puntukako sailkapena eta etapa 2 2. Super Prestige Pernodean 3. Paris-Camemberten 1965 Herbehereetako Itzulia eta etapa 1 9. Frantziako Tourrean, Puntukako sailkapena eta etapa 1 Midi Libreko etapa 1 Dauphine Libereko etapa 1 Paris-Nizako etapa 1 1966 2. Frantziako Tourrean Bordele-Paris Flèche Brabançonne 2. Dunkerqueko Lau Egunetan 2. Paris-Roubaixen

1967 Paris-Roubaix Paris-Luxenburgo Espainiako Vuelta, Puntukako sailkapena eta etapa 1 5. Frantziako Tourrean, Puntukako sailkapena eta etapa 1 2. Munduko errepideko txapelketa Genova-Niza Kataluniako Voltako 3 etapa 2. Gante-Wevelgemen 3. Laigueglia Sarian Super Prestige Pernod 1968 Frantziako Tourra eta 2 etapa 6. Espainiako Vueltan, Puntukako sailkapena eta 2 etapa Paris-Nizako etapa 1 2. Acht van Chaamen 3. Super Prestige Pernodean 1969 Paris-Nizako etapa 1 Dauphine Libereko etapa 1 Isbergueseko Sari Nagusia 10. Frantziako Tourrean 1970 Paris-Nizako etapa 1 Midi Libreko etapa 1 Euskal Herriko Itzuliko etapa 1

Sailkapen orokorra Itzuli Handietan

Itzuli Handia	1963	1964	1965	1966	1967	1968	1969	1970	1971
Italiako Giroa	—	—	—	—	—	—	—	—	—
Frantziako Tourra	UT	24.	9.	2	5.	1.	10.	26	—
Espainiako Vuelta	—	—	—	—	1.	6.	—	—	—
Munduko Txapelketa	7.	1.	43.	—	2.	—	—	16.	36.

Legenda

—	Ez zuen parte hartu
DSK	Deskalifikatua
UT	Utzi

Kanpo estekak

Jan Janssen - ProCyclingStats

• Datuak: Q380930
• Multimedia: Jan Janssen (cyclist) / Q380930

Aurrekoa Roger Pingeon

Frantziako Tourraren irabazlea 1968

Ondorengoa Eddy Merckx

Artikulu hau Herbehereetako biografia baten zirriborroa da. Wikipedia lagun dezakezu edukia osatuz.