Itsasgorako uharte

Itsasgorako uharte bat lur-eremu bat da, lur lehorrari lotuta dagoena itsasbeheran agerian eta itsasgoran urpean geratzen den lur-mihi baten bidez. Zenbait kasutan, lur-mihi horren gainean galtzada bat egoten da, bertatik itsasbeheran pertsonak eta ibilgailuak igaro ahal izateko.

Mont-Saint-Michel, itsasgorako uharterik famatuenetakoa.

Itsasgorako uharteen inguruan egon ohi den mistika dela-eta, haietako asko erlijio-gurtzako tokiak dira, hala nola Mont-Saint-Michel. Halaber, itsasgorako uharteak sarritan gotorlekuen kokaleku dira, beren ezaugarri naturalengatik babeserako aproposak izateagatik.

Gaur egun, itsasgorako uharte asko turismo-helmuga bihurtu dira.

Aipaturiko Mont-Saint-Michel-ez gain, itsasgorako uharte ezagunak dira Lindisfarne (Northumberland konderrian, Ingalaterran) eta St Michael's Mount (Kornualles konderrian, Ingalaterran ere).

Euskal Herrian, Lekeitioko San Nikolas edo Garraitz izenekoa itsasgorako uhartea da.

Ikus, gainera

• Uharte

Kanpo estekak

• Datuak: Q555937
• Multimedia: Tidal islands / Q555937