Indarrez
Indarrez Zarama musika taldearen lehenengo diska da, 1984. urtean taldeak argitaratutakoa[1].
| Indarrez | |
|---|---|
| Zarama taldearen Rock | |
| Argitaratze data | 1984 |
| Grabazioa | Tsunami estudioa (Donostia) |
| Iraupena | 44'14" |
| Diskoetxea | Discos Suicidas |
Partaideak aldatu
- Roberto Moso (ahotsa)
- Txus Alonso (gitarra)
- Javier Álvarez (baxua, ahotsa)
- Ernesto Alava (bateria)
Grabaketa eta abestiak aldatu
1983 bi abestidun single pare bat grabatuak bazituen ere (Zaramaren erdian eta Nahiko), 1984an aurreneko diska luzea egitea erabaki zuen taldeak. Hasiera batean PAN BOT estudiotan (Bilbo) grabatzekoak ziren, baina Angel Altolagirrek gomendatuta Donostiako Tsunami estudiotan grabatu eta Discos Suicidas argitaletxeak atera zuen. Soinuak oihartzun handia du ordea eta ez da erabat garbia. 2013an Discos Suicidasek lana berrditatu zuen eta Nahiko, Ezkerralde eta Dana Niretzat kantak gehitu zizkion bildumari.
Taldearen abesti mitiko batzuk badira lan honetan, Goazen Borrokara, Zaramaren Erdian, Bildur Naiz, Beti Penetan eta Gasteizko Gaua. Taldearen ibilbide guztian zehar Beti Penetan abestiarekin kontzertuak amaitzeko ohitura zuten. Gasteizko Gaua abestia oso ezaguna bihurtu zen eta 1986an Montxo Armendarizen 27 ordu filman atera zen[2].
Itxoiten abestiaren hitzak Xabier Montoiak egin zituen[1] eta Agur Betirako abestian Iosu Expósitok (Eskorbuto) hartu zuen parte.
Rock taldea bada ere hainbat estilotako abestiak aurkitzen dira diska honetan, hala nola, afterpunk (Hau da amaituko), reggaearen aireak (Gasteizko gaua), Stiff Little Fingers-en antzekoak (Bildur naiz, Edan ase arte, Zaramaren erdian)...[3]
EginRock aldatu
Zaramaren lehen diskoak zabalkunde handia izan zuen. 1984an bertan Egin egunkariak Egin Rock Txapelketa antolatu zuen. Egunkariaren irakurleek bozkak eman zituzten Hego Euskal Herriko lau herrialdeetako bakoitzean talde bat aukeratu eta laurekin azken kontzertu bat egiteko. Zaramak lortu zuen boto gehien Bizkaiko taldeen artean eta gainontzeko hiru lurraldeetako irabazleekin, Hertzainak (Araba), RIP (Gipuzkoa) eta Barricada (Nafarroa) jo zuen Gasteizko Mendizorrotza kiroldegian egin zen jaialdian[4].
Azala aldatu
Gabriel Vecinok egin zuen azala. Pop art estiloan egindako azal koloretsua da eta bertan egunerokotasuneko hainbat elementu ageri dira, telebista, polizia, kopak, kiniela, autoak, hiria, tabakoa, betaurrekoak...
Kantuen zerrenda aldatu
- Goazen Borrokara - 1:58
- Hau Da Amaituko - 2:23
- Edan Ase Arte - 2:49
- Gasteizko Gaua - 3:11
- Beti Penetan - 1:53
- Bildur Naiz - 3:11
- Indarrez - 2:40
- Kazaia Kopa Ta Porno Gogorra - 2:52
- Itxoiten - 3:23
- Agur Betirako - 2:25
- Urrezko Hondartza - 2:48
- Apurtu - 2:45
- Zaramaren Erdian - 3:15
Bonus tracks (berredizioan) aldatu
- Nahiko - 3:25
- Ezkerralde - 2:26
- Dana Niretzat - 3:04
Erreferentziak aldatu
- ↑ a b Indarrez. (Noiz kontsultatua: 2018-02-10).
- ↑ (Gaztelaniaz) 27 horas (1986) las Bandas sonoras. (Noiz kontsultatua: 2018-02-10).
- ↑ Txiribita. (2008-07-09). «ZARAMA - Indarrez (1984)» EKAITZALDI (Noiz kontsultatua: 2018-02-10).
- ↑ Nineuk. (2008-08-04). «FLORES EN LA BASURA: I EIBAR, JULIO 1984» FLORES EN LA BASURA (Noiz kontsultatua: 2018-02-10).
Kanpo estekak aldatu
Datuak: Q17634651
