How the Grinch Stole Christmas

How the Grinch Stole Christmas
Jatorria
Argitaratze-data	2000
Izenburua	Dr. Seuss' How the Grinch Stole Christmas
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Banatze bidea	eskatu ahalako bideo
Ezaugarriak
Genero artistikoa	film komikoa, family film (en) , fantasiazko filma, haurrentzako filma, abenturazko filma, Gabonetako filma, liburu batean oinarritutako filma eta musika-filma
Iraupena	101 minutu
Kolorea	koloretakoa
Deskribapena
Oinarritua	How the Grinch Stole Christmas! (en)
Zuzendaritza eta gidoia
Zuzendaria(k)	Ron Howard
Gidoigilea(k)	Jeffrey Price; Peter S. Seaman (en)
Antzezlea(k)
	Jim Carrey (Grinch (en) ); Taylor Momsen (Cindy Lou Who (en) ); Jeffrey Tambor (Augustus May-Who (en) ); Christine Baranski ; Bill Irwin ; Molly Shannon ; Clint Howard ; Josh Ryan Evans ; Ron Howard ; Anthony Hopkins ; Bryce Dallas Howard ; T. J. Thyne ; Verne Troyer ; Mindy Sterling ; Jim Meskimen ; Landry Allbright (en) ; Michaela Gallo ; Jeremy Howard ; Gavin Grazer ; Q'orianka Kilcher ; Deep Roy (en) ; David Costabile (en) ; Rick Baker ; Rance Howard ; Caroline Williams ; Frank Welker
Ekoizpena
Ekoizlea	Brian Grazer
Konpainia ekoizlea	Imagine Entertainment (en)
Edizioa	Daniel P. Hanley (en)
Ekoizpen-diseinatzailea	Merideth Boswell (en)
Bestelako lanak
Musikagilea	James Horner
Argazki-zuzendaria	Donald Peterman
Jantzi-diseinatzailea	Rita Ryack
Historia
Jasotako sariak	MTV Movie Award for Best Villain (en) ; Makillaje onenaren Oscar Saria ; 73. Oscar Sariak
Nominazioak	Jantzi-diseinu onenaren Oscar Saria ; 73. Oscar Sariak ; Rita Ryack; Makillaje onenaren Oscar Saria ; 73. Oscar Sariak ; Rick Baker, Gail Ryan (en) ; Zuzendaritza artistiko onenaren Oscar Saria ; 73. Oscar Sariak ; Michael Corenblith (en) , Merideth Boswell (en)

Dr. Seuss' How the Grinch Stole Christmas edota The Grinch (euskaraz Grintxa edota Seuss doktorearen Grintxak Eguberriak Nola Ohostu Zituen) 2000ko Ron Howard estatubatuar zinema zuzendari eta ekoizleak zuzendu eta ekoitzitako eguberri komedia bat da. 1957ko Theodor Seuss Geisel estatubatuar idazlearen izenburu berdineko kontakizunean oinarritua dago. Jim Carrey, Jeffrey Tambor, Christine Baranski, Bill Irwin, Molly Shannon, Josh Ryan Evans eta Taylor Momsen aktoreek antzeztu zuten.

Artikulu hau 2000ko filmari buruzkoa da; 2018ko filma gaitzat duena beste hau da: «The Grinch (2018ko filma)»

Argumentua aldatu

Oharra: Atal honek istorio osoa edo amaiera argitzen du.

Whovilletarrak gabonetarako prestatzen ari diren bitartean, Crumpit mendian bakarrik bizi den izaki berde bat dago, Grintx deiturikoa, hauek gorroto dituena eta beraien prestaerak zapuztu nahi dituena. Cindy Lou Who, herriko sei urteko neska batek, sinisten du whovilletarrek garrantzia handiegia ematen diela opariei eta ospakizunari, eta ez nahikoa besteekiko harremanei. Postetxean, Cindyk Grintxa topatzen du Gabonetako gutunak eta paketeak hondatzen. Grintxaren itxurak Cindy izutzen du eta gutun-sailkatzailean erortzen da, baina Grintxak gogo txarrez salbatzen du azkenean. Gertaerak Cindy konbentzitzen du Grintxa ezin dela whovilletarrek sinisten duten bezain gaiztoa izan, eta bere iraganari buruz ikertzen hasten da.

Cindyk aurkitzen du Grintxa ume txikia zela iritsi zela Whovillera, bi adineko emakumek hartu zutelarik. Grintxa bere klasekide zen Martha May Whovierrez maitemindu zen, honek ere maite zuelarik sekretuan. Hala ere, inbidiak eraginda, Augustus MayWho izeneko mutil batek Grintxa gaizki tratatzen hasi zen eta bere aurpegi iletsuari buruz barre egiten. Eguberri horietan, Martharentzako, Grintxari aingeru bat oparitzea eta bere aurpegiko ilea moztea bururatu zitzaion, beri aurpegia behin baino gehiagotan zaurituz. Klasera iristerakoan denak barrez hasi ziren bere itxurarengatik, Martha izan ezik. Honek guztiak Grintxari umorea kendu zion eta Gabonei gorrotoa piztu, eta alde egin zuen Crumpit mandira, non orduz geroztik bakarrik eta besteekiko asmo txarrekin bizi izan den.

Cindyk Grintxa izendatzen du herriko Gabonen algaramaisu, MayWho haserretuz, orain alkate dena. Cindy Crumpit mendirantz doa Grintxa ospakizunera gonbidatzeko, eta honek onartzen du, batez ere aukera izango duelako Martha berriro ikusi eta MayWhoz mendekatzeko. Algaramaisu delarik, hainbat ekintzetan parte hartzen hasten eta ondo pasatzera iristen da, MayWhok bizarra mozteko makina bat oparitzen dion arte, bera umiltzeko. Grintxa biziki haserretu eta whovilletarrak eta beraien Gabon-zaletasuna mesprezatzen hasten da. MayWhori ilea moztu eta herriko Gabonetako izeiari su eman eta gero, berriro bere etxera itzultzen da.

Grintxak whovilletarrek beste izei bat dutela aurkitzen duenean zin egiten du beraien Gabon-espiritua izorratzeko hauen opariak, apaingarriak eta jana lapurtuz lo daudela. Hau egiteko bere burua Santa Clausez mozorrotzen du eta Max bere txakurra oreinez, eta Whovillera jaisten da lera batean. Sartzen den lehenengo etxea Cindyrena da eta lapurretan harrapatzen duen arren, Grintxak gezurra esaten dio eta alde egitea lortzen du. Lapurtutako guztia zaku handi batean gordetzen du eta hau Crumpit mendiaren puntura igo, zakua amildegitik bota nahian.

Eguberri goiza iristean, whovilletarrak lur-jota geratzen beraien opariak desagertu direla ikustean, eta MayWhok Cindyri botatzen dio errua Grintxari herriko giro ona zapuzteko aukera emateagatik. Lou Lou Who, Cindyren aita, bere alaba defendatzen hasten da eta arrazoia ematen dio; Gabonetako gauzarik garrantzizkoena familia eta lagunekin egotea dela, opariak eta festa beharrean. Azkenean whovilletarrak bat datoz beraiekin, eta eskuak baturik kantan hasten dira.

Grintxa zakua amildegitik behera botatzear dagoela, herritarren kantak entzun eta ohartzen da bere ahaleginak alferrik izan direla, eta negarrez hasten da Gabonen benetako esanahia ulertzean. Zakua duen lera aldapan behera irristatzen hasten da Cindy bertan dagoelarik, bera bisitatzera etorri baita. Grintxak Cindy eta lera salbatzen ditu eta herrirantz bideratu opariak itzultzeko. Barkamena eskatzen du eta bere burua eman poliziari. MayWhok bere atxilopena eta zigorra eskatzen duen arren, poliziak Grintxaren barkamena onartu eta alkatearen aginduei uko egiten die. MayWho zenbaterainoko maltzurra den ulertzean, Marthak ezkontze-eraztuna itzultzen dio honi, eta bere maitasuna adierazi Grintxari. Biziberrituta, Grintxak herri osoa gonbidatzen du bere etxera Eguberri-eguna ospatzeko.

Aktoreak aldatu

Jim Carrey: Grintxa
- Josh Ryan Evans: Grintx mutikoa
Taylor Momsen: Cindy Lou Who
Jeffrey Tambor: Augustus May Who alkatea
- Ben Bookbinder: Augustus mutikoa
Christine Baranski: Martha May Quienvier
- Landry Allbright: Martha May neskatoa
Bill Irwin: Lou Lou Who
Molly Shannon: Betty Lou Who
Clint Howard: Whobris
Mindy Sterling: Clarnell
Jeremy Howard: Drew Lou Who
T.J. Thyne: Stu Lou Who
Jim Meskimen: Wholihan ofiziala
Frank Welker: Max txakurraren ahotsa
Anthony Hopkins: Narratzailea (ahotsa)

Kanpo estekak aldatu

The Grinch filmaren iragarkia ikusgai. Youtube.com (Ingelesez)
Webgune ofiziala (Ingelesez)
IMDBko fitxa irakurgai (Ingelesez)

Datuak: Q131864
Multimedia: Dr. Seuss' How the Grinch Stole Christmas / Q131864